Heydər Əliyev Mərkəzində iyulun 20-də baş vermiş güclü yanğının nəticələrinin aradan qaldırılması ilə bağlı işlər davam edir. Əsasən bina örtüyünün böyük bir hissəsi sökülüb.
FHN Yanğından Mühafizə Xidmətinin rəhbəri Füzuli Əsədov bildirib ki, yanğın nəticəsində 1000 kv. metrə yaxın bina örtüyü yanıb.
Öz növbəsində Mərkəzin direktoru Anar Ələkbərov bildirib ki, yalnız muzey hissəsinin tavanına ziyan dəyib. Onun sözlərinə görə, damın xüsusi konstruksiyası mexaniki təsirdən və yağış sularından qoruyur. Odur ki, alovun söndürülməsində istifadə edilən tonlarla su binanın içərisinə keçməyib.
A.Ələkbərovun sözlərinə görə, Mərkəz yanğın təhlükəsizliyinin təmin edilməsi sistemi ilə təchiz olunub, lakin podratçı şirkət onun qurulmasını başa çatdırmayıb.
Baş Prokurorluğun mətbuat xidmətinin rəhbəri Eldar Sultanovun sözlərinə görə, hadisə yerindən iş üçün maddi sübutlar, o cümlədən elektrik qaynaq aparatı, qaynaq işlərinin aparıldığı metaldan parçalar götürülüb.
Versiyalardan birinə görə, yanğına qaynaq işləri aparılarkən yanğın təhlükəsizliyi normalarının pozulması səbəb olub. Eyni zamanda istintaq digər versiyaların da üzərində işləyir.
O, Turan-ın yanğın faktı üzrə saxlananların olub-olmaması barədə sualına birmənalı cavab verməyib. 06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz