![Yeni pasportlara keçidə start verilib](https://turan.az/resized/media/2012/main/072300005950-750-500-resize.webp)
Yeni pasportlara keçidə start verilib
İyulun 17-də prezident İlham Əliyev 2012-ci il iyunun 12-də parlament tərəfindən qəbul olunmuş “Ölkədən getmək, ölkəyə gəlmək və pasportlar haqqında” qanunun tətbiqi barədə fərman imzalayıb.
Nazirlər Kabinetinə tapşırılıb ki, prezident aktlarının, qanunların və digər normativ sənədlərin bu qanuna uyğunlaşdırılması barədə təkliflərini üç ay müddətində hazırlayıb təqdim etsin.
Prezidentin fərmanı ilə beynəlxalq “Bir pasport - bir şəxs” təcrübəsinin tətbiqi, həmçinin pasportların verilməsi qaydaları sadələşdirilir və verilmə müddəti sürətləndirilir. Hökumətə tapşırılıb ki, hər 6 aydan bir pasport islahatı barədə prezidentə məlumat versin. Ümumilikdə, yeni pasportlara keçid üçün 6 ay vaxt ayrılır.
Qanuna edilən dəyişikliklər 18 yaşına qədər şəxslərə xarici pasportun verilməsini nəzərdə tutur. Pasportların verilmə müddəti 10 günədək azaldılacaq.
Vətəndaş ölkədən uşaqla birlikdə gedərkən həddi-büluğa çatmayanların adlarının valideynlərinin pasportlarına yazılması və fotonun yapışdırılması ləğv ediləcək.
Xarici pasport 1 yaşından 18 yaşına kimi uşaqlara veriləcək. Pasport bir yaşından kiçik uşaqlara 12 ay, 3 yaşınadək olanlara 36 ay, 18 yaşına qədər olanlara 5 il müddətinə veriləcək. Həddi-büluğa çatanlar üçün 10 il müddətinə verilir.
Xidməti pasportların alınması və dəyişdirilməsi üçün dövlət rüsumu ləğv olunub.
Sənədin fəaliyyət müddəti bitdikdə, soyad dəyişdikdə, pasport yararsız hala düşdükdə, pasportda və ya elektron daşıyıcıda yalnış informasiya olduqda pasport bir gün ərzində dəyişdirilməlidir və dövlət rüsümu alınmır.
2013-cü il iyunun 1-dək verilən pasportların fəaliyyət müddəti bitənə kimi və ya vətəndaşın soyadı, atasının adı dəyişənə, həmçinin pasport itənə, yararsız hala düşənə, pasportda və ya elektron daşıyıcıda yalnış informasiya aşkar edilənə kimi qüvvədə qalır.
Yeni pasportlar həmçinin biometrik olacaq lakin öz rəngini saxlayacaq: ümumvətəndaş pasportu tünd yaşıl, xidməti pasport tünd göy, diplomatik pasport tünd qırmızı rəngdə olacaq.—0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz