Azərbaycanın korrupsiya şəbəkəsi Strasburq məhkəməsinə də yol açır?

Müxalifətdə olan siyasətçilər, müstəqil hüquqşünaslar və vətəndaş cəmiyyəti fəallarından ibarət bir qrup Avropa İnsan Hüquqları Məhkəməsinin (AİHM) prezidenti Nikolas Bratsa müraciət göndəriblər. Müraciətdə Strasburq məhkəməsinin Azərbaycandan daxil olan şikayətlərlə bağlı fəaliyyətində bəzi şübhəli məqamların olmasına dair narahatlıq ifadə olunub. Müraciət iyulun 20-də İctimai Palatanın təşkil etdiyi “dəyirmi masa”da qəbul olunub. Müraciət müəllifləri Azərbaycandan olan işlərə ləng baxılmasından narazılıqlarını, ölkənin Strasburq məhkəməsinin yurisdiksiyasında olduğu 10 il ərzində Azərbaycan üzrə cəmi 50 qərarın  qəbul olunduğunu bildiriblər. AİHM cəmi iki dəfə növbədənkənar qaydada Azərbaycan üzrə işə baxılması imkanından istifadə edib (jurnalist Eynulla Fətullayevin və Demokrat Partiyasının lideri Sərdar Cəlaloğlunun işi).

    “Vətəndaşların siyasi motivlərlə 7-8 il həbsdə saxlandığı, siyasi məhbusların həbsxanalarda öldüyü bir ölkə üçün bu, çox azdır”, - AXCP sədri Əli Kərimli bildirib.

    Bundan əlavə, AİHM Azərbaycan vətəndaşlarının pozulmuş hüquqlarına görə qeyri-adekvat olaraq aşağı məbləğdə pul kompensasiyası müəyyən edir. Bir gündə (10 may 2012-ci il) eyni vaxtda Azərbaycandan daxil olan 50 şikayətin AİHM-də baxılmaq üçün qəbulundan imtina edilməsi müzakirə iştirakçılarının narazılığına səbəb olub. Qərar hakimlərdən biri Yunanıstandan olan Linos Aleksandre Sicilanos tərəfindən qəbul edilib. Bu fakt müzakirə iştirakçılarında “Azərbaycanın korrupsiya şəbəkəsinin Strasburq məhkəməsinə də yol açması” ilə bağlı şübhələr oyadıb. 

    Azərbaycan Hüquqi Maarifləndirmə Cəmiyyətinin rəhbəri İntiqam Əliyev Turan-ın müxbiri ilə söhbətində bildirib ki, şikayətlərə baxılmasının sürətləndirilməsi məqsədilə AİHM-in yeni qaydaları onların bir hakim tərəfindən icraata götürülməsinin “məqbul sayılmasına” yol verir (əvvəllər bu qərar 3 hakimdən ibarət heyət tərəfindən qəbul edilirdi). Lakin buna iş materiallarının qəbuledilməz olduğu halda yol verilir. Hətta belə olan halda da bir gündə hakim 50-ə yaxın işə baxmaq iqtidarında deyil. Bundan əlavə, Azərbaycandan sözügedən şikayətlər AİHM-ə 2008-09-cu illərdə daxil olub və o zaman işlərin AİHM-də təhqiqatı üçün məqbul olması barədə məsələyə 3 hakim tərəfindən baxılması qaydası mövcud idi. 

    Müraciət müəlliflərinin fikrincə, Yunanıstandan olan hakim Strasburq məhkəməsinin katibliyinin Azərbaycan üzrə hüquqşünası, “Azərbaycan hökuməti ilə sıx əlaqələri olan” Vüqar Fətəliyevin rəyi əsasında ərizələrə baxılmasına formal yanaşaraq onları “qəbuledilməz” sayıb. 

    Müraciət müəllifləri: 50-dən çox siyasətçi, hüquqşünas, vətəndaş cəmiyyəti fəalı AİHM rəhbərliyini Azərbaycandan daxil olan 50 şikayətin “qəbuledilməzliyi” barədə qərarın qəbulunda subyektiv amillərin olmasının ciddi araşdırılmasına çağırır.   -06B-

 

 

Rəy yaz

Siyasət

Встреча в Мюнхене, президентские выборы и санкции ПАСЕ: Беседа с британским экспертом Томасом де Ваалом в "Çətin sual"



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti