Gürcüstanın hüquq müdafiəçiləri: “Aclıq səbəbindən Əfqan Sadıqovun sağlamlığına dəyən zərər geri dönməz ola bilər“

Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.

Əfqan Sadıqovun hüquqlarını müdafiə edən Gürcüstan Sosial Ədalət Mərkəzi  bəyanatla çıxış edərək, onun vəziyyətindən narahatlığını bildirib.

Fevralın 2-də Sadıqov quru aclığa keçib ayın  5-də isə vəziyyəti çox pisləşib və bir neçə saatlığa huşunu itirib.

“Fevralın 6-da əfqan Sadıqov ailəsinin israrlı xahişindən və vəkillərin tövsiyələrindən sonra su içməyə razı olub”, - bəyanatda deyilir.

Əfqan Sadıqov 142 gündür ki,  müttəhimlər üçün müalicə məssisəsində aclıq edir və vəziyyəti çox ağırdır. Həbsdən sonra 40 kiloqram arıqlayıb. Uzun aclıqdan sonra sağlamlığına dəyən zərər geri dönməz ola bilər.

* Əfqan Sadıqov təqiblərdən ehtiyat edərək 2023-cü ilin dekabrında ailəsilə birlikdə Gürcüstana gedib. İyulda onu Gürcüstandan Türkiyəyə buraxmayıblar və deyiblər ki, ancaq Azərbaycana qayıda bilər.

2024-cü ilin avqustunda Sadıqov Azərbaycanın sorğusu əsasında həbs edilib. Bakıda onu hədə yoluyla tələb etməkdə ittiham edirlər və ekstradisiyasını tələb edirlər. Həbs olunmasına və ona sığınacaq verilməsindən imtina edilməsinə etiraz edərək sentyabrın 21-dən aclıq edir. Gürcüstan hakimiyyəti ona siyasi sığınacaq verməkdən imtina edib.

Noyabrın 28-də Tbilisi Şəhər Məhkəməsi Sadıqovun Azərbaycana ekstradisiyası barədə qərar qəbul edib. 2025-ci il yanvarın 15-də Tbilisi Apellyasiya Məhkəməsi bu qərarı təsdiqləyib, yanvarın 31-də Tbilisi məhkəməsi Əfqan Sadıqovun həbs müddətini üç ay uzadıb.