Hilal Məmmədova məktub yazmaq qadağan edilib
Həbs edilən “Tolışi sado” qəzetinin həbs edilən redaktoru Hilal Məmmədovun hüquqlarını müdafiə komitəsi cümə günü növbəti iclas keçirərək 27 iyulda qarşıya qoyulan vəzifələrin icra vəziyyətinə baxıb.
Planlaşdırıldığı kimi, Məmmədovun istər həbs zamanı, istərsə də sonra hüquqlarının pozulması barədə hüquqi rəy, həmçinin onu şəxsiyyət və vətəndaş kimi təqdim edən məqalə-portretlər hazırlanıb.
Müzakirə, düzəliş və təkliflərdən sonra sonradan ictimaiyyət arasında yaymaq üçün bu sənədləri bir qədər də işləmək və gələn iclasa təqdim etmək barədə qərar qəbul edilib.
İclasda həmçinin məlumat verilib ki, Bakı İstintaq Təcridxanasının əməkdaşları qanunsuz olaraq Məmmədovun məktub göndərmək imkanlarını məhdudlaşdırıblar.
Həmçinin qərara alınıb ki, onun xroniki xəstəliyi – astma ilə əlaqədar qətimkan tədbirinin dəyişdirilməsi barədə vəsatət verilsin.
Məmmədovun vəkilləri məlumat veriblər ki, ona qarşı heç bir istintaq hərəkəti həyata keçirilmir.
“Tolışi sado” qəzetinin baş redaktoru, Talış Mədəniyyət Mərkəzinin sədr müavini Hilal Məmmədov 21 iyunda qanunsuz narkotik saxlamaq ittihamı ilə həbs edilib. İyunun 4-də ona yeni ittihamlar irəli sürülüb –274-ci maddə (dövlətə xəyanət) və 283.2.2 maddə (milli, irqi, sosial və ya dini nifrət və düşmənçiliyin salınması).
Yerli və beynəlxalq demokratik ictimaiyyət qəti əmindir ki, Məmmədovu aktiv vətəndaş mövqeyi və hüquq müdafiəsi fəaliyyəti ilə əlaqədar təqib edirlər.
Məmmədov İnternetdə populyar olan “Tı kto takoy? Davay, do svidaniya?” meyxana videoçarxının müəllifidir.—0—
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz