Bakı/21.09.16/Turan: Siyasi Məhbusların Monitorinq Mərkəzi DQMŞ-nin 17 sentyabr razılaşdırılmış mitinqindən sonra iştirakçılara qarşı polis zorakılığını pisləyib.
“40-a yaxın gənc güc tətbiq edilməklə saxlanılaraq Yasamal Rayon Polis İdarəsinə və onun bölmələrinə aparılıb. Onların arasında öz peşə borcunu yerinə yetirən jurnalistlər də olub. Videokadrlardan görünür ki, mitinq iştirakçıları heç bir qanun pozuntusuna yol verməyiblər. Əksinə, hüquq-mühafizə orqanları vətəndaşların toplaşma azadlığı hüququnu və polis haqqında qanunu pozaraq polis səlahiyyətini aşıblar. 12 gənc 8 sutkalığa inzibati həbs cəzası alıb”, - hüquq-müdafiə təşkilatının rəhbəri Elşən Həsənov Turan-a bildirib.
Onun sözlərinə görə, polisin hərəkətləri ilə Avropa İnsan Hüquqları Konvensiyasının 10-cu (fikrin ifadə olunması azadlığı) və 11-ci (toplaşma və birləşmə azadlığı) maddələri pozulub.
Mərkəz baş prokuroru və DİN rəhbərini “hüquq-mühafizə orqanları tərəfindən zorakılıq” faktlarının araşdırılmasına və cavabdeh şəxslərin cəzalandırılmasına, eyni zamanda həbs edilən mitinqçilərin azad edilməsinə çağırıb.
Mərkəz mitinqlərdə iştirak edən fəalların polisə çağırılmasını və onlara təzyiq göstərilməsini pisləyib.06C--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz