Bakı /06.07.17/Turan: Azərbaycanlı hüquq müdafiəçiləri iyulun 4-də Füzulu rayonunun Alxanlı kəndində 2 yaşlı uşağın və onun nənəsinin ölümü ilə nəticələnən insidentlə bağlı bəyanat yayıblar.
"Bu vəhşilik Ermənistanın Azərbaycana qarşı 25 ildən artıq davam edən hərbi təcavüz və etnik təmizləmə siyasətinin tərkib hissəsidir. Ermənistan Respublikası və onun rəhbərliyi törətdiyi bu cinayətə görə tam məsuliyyət daşıyır", - bəyanatda deyilir.
Hüquq müdafiəçiləri BMT və digər beynəlxalq təşkilatları Ermənistan Silahlı Qüvvələri tərəfindən beynəlxalq humanitar hüququn ciddi pozulmasına hüquqi-siyasi qiymət verməyə, həmçinin Ermənistana qarşı sanksiya tətbiq etməyə çağırıblar.
Bəyanatda xatırladılır ki, 1988-1993-cü illərdə Ermənistanın hərbi təcavüzü nəticəsində 20 mindən çox azərbaycanlı həlak olub, 100 min nəfər yaralanıb, 5 mindən çox adam əsir və itkin düşüb.
Bəyanatı 15 hüquq müdafiəçisi imzalayıb.
İyulun 4-də saat 20:40-da Füzuli rayonunun Alxanlı kəndi minaatanlardan və dəzgahlı qumbaraatanlardan atəşə tutulub. Nəticədə 50 yaşlı Sahibə Quliyeva və onun 2 yaşlı nəvəsi həlak olub. Sərvinaz Quliyeva (1967-ci ildə anadan olub) isə qəlpə yarası alıb.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz