Qadınların Hüquqlarını Müdafiə Cəmiyyətinin rəhbəri Novella Cəfəroğlu 1 saylı Bakı istintaq təcridxanasında həmkarı Leyla Yunusa qarşı təzyiqi pisləyib.
O, Turan-ın müxbiri ilə söhbətində bildirib ki, bir neçə gün əvvəl həmkarı Mirvari Qəhrəmanlı ilə birlikdə baş prokurorun birinci müavini Rüstəm Usubovla görüşüb. Hüquq müdafiəçiləri Leyla Yunus barəsindəki qətimkan tədbirini ev dustaqlığı ilə əvəz etməyi xahiş ediblər.
Dünən Cəfəroğlu Hüquq Müdafiə Təşkilatlarının Monitorinq Qrupunun digər üzvləri ilə birlikdə ombusman Elmira Süleymanova ilə görüşüblər və L.Yunusun başqa kameraya köçürülməsinə yardım etməyi xahiş ediblər. Hüquq müdafiəçiləri ombudsmanın diqqətini Yunusun dəfələrlə cinayət törətmiş şəxslərlə eyni kamerada saxlanılmasının yolverilməz olduğuna çəkiblər.
Onlar həmçinin zərurət varsa, L.Yunusun xəstəxanaya yerləşdirilməli olduğunu bildiriblər.
Bundan başqa, hüquq müdafiəçiləri ombudsman yanında milli preventiv qrupun nümayəndələrini L.Yunusun yanına göndərməyi xahiş ediblər.
Süleymanova öz növbəsində hüquq müdafiəçilərinin xahişini ədliyyə naziri Fikrət Məmmədova çatdırmağı vəd edib.
Sentyabrın 24-25-də hüquq müdafiəçiləri parlament, icra hakimiyyəti nümayəndələrinin və xarici ekspertlərin iştirakı ilə insan hüquqları üzrə beynəlxalq konfrans keçirmək niyyətindədirlər.
Bu konfransda hüquq müdafiəçiləri prezident İlham Əliyevə və birinci ledi Mehriban Əliyevaya Qurban Bayramı münasibəti ilə əvf fərmanı imzalamaq və bütün siyasi məhbusları, o cümlədən Leyla Yunusu həbsdən azad etmək çağırışı ilə müraciət qəbul etmək niyyətindədirlər. -C06-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz