Hüquq müdafiəçisi: �Aydın Qurbanovun ölümünə görə Azәrbaycan hakimiyyәti məsuliyyət daşıyır�

Bakı/10.07.19/Turan: Gәncә hadisәlәrinә görә hәbs olunan Aydın Qurbanovun həbsxana xəstəxanasında ölməsinə birbaşa mәsuliyyәti Azәrbaycan hakimiyyәti daşıyır. Bu barədə hüquq müdafiәçisi Oqtay Gülalıyev bildirib.

A. Qurbanovun xәstә olduğu çoxdan məlum idi. Onun azadlığa buraxılması ilә bağlı ölkә rәhbәrliyinә müraciәtlәr olunmuşdu. Lakin onun son günlәri ailәsi ilә birlikdә keçirmәsinә icazә verilmәdi.

"Hesab edirәm ki, Aydın Qurbanova qarşı baş verәnlәr qәddarlığın göstәricisidir. İnsanı şәrlәyib hәbs ediblәr, işgәncәlәrә mәruz qoyublar vә bunun nәticәsindә o, hәyatını itirib", - O.Gülalıyev vurğulayıb.

O deyib ki, A.Qurbanovun ölümündə vəzifəli şəxslər günahkardır. Hüquq müdafiəçisinin sözlərinə görə, məhbusların ölümünə və işgəncələrə görə cəzasızlığın qarşısının alınması üçün hüquq pozucularına Maqnitski aktı kimi sanksiya tətbiq edilməlidir.

*Gəncə hadisələri ilə bağlı ittiham olunan Aydın Qurbanov iyulun 10-da Penitensiar Xidmətin xəstəxanasında mədə xərçəngindən vəfat edib.

A.Qurbanov CM-in 228.3-ci maddəsi (mütəşəkkil silahlı qruplaşmanın tərkibindəqanunsuz silah dövriyyəsi) ilə həbs edilib. Həbsdən sonra onda onkoloji xəstəlik aşkar edilib.

** 2018-ci il iyulun 3-də Gəncədə şəhərin o zamankı rəhbəri Elmar Vəliyevə qarşı sui-qəsd törədilib. Əslən Gəncədən olan Yunis Səfərov onu və onun cangüdənini yaralayıb.

Bundan sonra sosial şəbəkələrdə iyulun 10-na Gəncə administrasiyasının qarşısında E.Vəliyevin işinə etiraz olaraq aksiya təyin edilib.

İyulun 10-da axşam DİN Gəncədə iğtişaşlar barədə məlumat yayıb. Hadisələr zamanı iki polis əməkdaşı öldürülüb.Bunun ardınca dindarlar arasında kütləvi həbslər baş verib. 60-a yaxın adam cinayət məsuliyyətinə cəlb edilib. Silahlı müqavimət zamanı 6 nəfər öldürülüb.

Martın əvvəlində ümumi sayı 14 nəfərdən ibarət iki qrupun barəsində hökm çıxarılıb. Onlar kütləvi iğtişaşlarda iştirakda və polis əməkdaşlarına qarşı zorakılığın tətbiqində ittiham olunaraq 5 ildən 8 ilədək azadlıqdan məhrum ediliblər. -0-