Hüquq müdafiəçisi bloger Arzu Sayadoğlunun yoxa çıxdığını bildirib
Bir neçə gün əvvəl bloger Arzu Sayadoğlu yoxa çıxıb, üçüncü gündür ki, ailəsi onunla əlaqə saxlaya və taleyini aydınlaşdıra bilmir. Bu barədə hüquq müdafiəçisi Rüfət Səfərov bildirib.
Onun sözlərinə görə, bloger YouTube efirində “Azad soz” kanalında çıxış etdikdən sonra yoxa çıxıb. Çıxış zamanı hakimiyyəti tənqid edib, adamları "susmamağa", dinc etirazlarda iştirak etməyə çağırıb.
"Bundan sonra Sayadoğlu yoxa çıxıb. Üçüncü gündür ki, yaxınları onunla əlaqə saxlaya bilmir", - hüquq müdafiəçisi deyib.
Bloger "Arzu Sayadoğlu" YouTube kanalına rəhbərlik edib, siyasi vəziyyəti və məmur özbaşınalığını tez-tez tənqid edib.
Daxili İşlər Nazirliyindən və digər hüquq-mühafizə orqanlarından şərh almaq mümkün olmayıb.
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz