Hüquq müdafiəçisi cəzaçəkmə müəssisəsində «vicdan məhbusu» ilə görüşüb

“Siyasi məhbuslarsız Azərbaycan” İctimai Alyansının rəhbəri Oqtay Gülalıyev cümə axşamı cəzaçəkmə müəssisəsində Xalq Cəbhəsi Partiyasının (AXCP) həbsdə olan fəalı Murad Ədilova baş çəkib.

Hüquq müdafiəçisinin Turan-a verdiyi məlumata görə, Ədilov siyasi məhbusların azad edilməsi üçün səy göstərən hər kəsə salamını və minnətdarlığını çatdırıb. İlk növbədə o, “Amnesty İnternational” təşkilatına təşəkkür edib.

“Hamıya məlumdur ki, Muradı müxalifət fəaliyyətindən daha çox AXCP mətbuat katibi, “Azadlıq” qəzetinin reportyoru və müxalif “Azərbaycan saatı” televerilişinin aparıcısı olan qardaşı Natiq Güləhmədoğlunun jurnalist fəaliyyətinə görə həbs ediblər. Murad faktiki oaraq siyasi girovdur”, Gülalıyev belə hesab edir.

“Hakimiyyət qisasçılığı bir kənara qoyub Muradı və digər təqsirsiz vicdan məhbuslarını azad etmək üçün özündə güc tapmalıdır”, deyə Gülalıyev bildirib.

Ədilov 2014-cü ilin avqustunda böyük ölçüdə narkotik vasitələrin qanunsuz ticarəti ittihamı ilə həbs olunub və 6 il müddətinə azadlıqdan məhrum edilib.

Əslində Ədilov siyasi fəaliyyətinə görə və qardaşı, Fransada fəaliyyət göstərən müxalif “Azərbaycan saatı” telekanalının aparıcısı jurnalist Natiq Ədilova təzyiq məqsədilə həbs edilib.

Bu resursun müəllifləri Azərbaycan hakimiyyətini korrupsiyaya və insan hüquqlarının pozulmasına görə kəskin tənqid edir.

Hüquq müdafiə təşkilatları Ədilovu siyasi məhbus kimi tanıyıb. -06D-