Hüquq müdafiəçisi Əmiraslanovun ekspertizası qanunsuz olaraq uzadılır
Şənbə günü Bakı Xüsusi Təcridxanasında saxlanılan hüquq müdafiəçisi Əmiraslanovun sağlamlıq vəziyyəti ilə bağlı “Kür” Vətəndaş Cəmiyyəti Qərargahının ombudsman Elmira Süleymanovaya yazılı müraciətindən sonra günün ikinci yarısında Mütəşəkkil Cinayətkarlıqla Mübarizə İdarəsinin müstəntiqi Vüsal Salehovun müşayiəti ilə ekspert onun yanına gedib.
Ombudsmana məktubda xahiş olunurdu ki, Əmiraslanovun tibbi ekspertizadan keçməsinə yardım edilsin.
Turan-ın məlumatına görə, Əmiraslanovun formal tibbi ekspertizası keçirilib. Tibbi ekspert onun qulağına və Əmiraslanovun şikayət etdiyi başqa yerlərə baxmaqdan imtina edib.
Ekspertiza qanuna zidd olaraq vəkil Samir İsayevin iştirakı olmadan keçirilib. Vəkil Turan-a deyib ki, ekspertiza keçirilməsi barədə ona məlumat verilməyib. O həmçinin müstəntiqin iştirakı və Əmiraslanovun ətraflı yoxlanmasından ekspertin imtinası kimi pozuntuları qeyd edib.
İsayev məsələyə formal yanaşan prokurorluq və ekspertizadan şikayət edəcək.
“Kür” Vətəndaş Cəmiyyəti Qərargahının ombudsman Elmira Süleymanovaya yazılı müraciətini Qərargahın üzvü, Turan İnformasiya Agentliyinin direktoru Mehman Əliyev göndərib. Müraciətdə deyilir ki, İlham Əmiraslanov 9 iyunda polis tərəfindən saxlanılan zaman zədələnib, ona fiziki zorakılıq tətbiq olunub. Amma indiyəcən o, tibbi ekspertizadan keçirilməyib.
Əmiraslanovun qulaq pərdəsi və qabırğası zədələnib. Vəkil Samir İsayevin sözlərinə görə, Əmiraslanovun kürəyində zərbə izləri var. “Kür” Vətəndaş Cəmiyyəti Qərargahı Ədliyyə Nazirliyinin Baş Tibb İdarəsinə və Xüsusi Təcridxanaya müraciət edərək ekspertiza keçirilməsini xahiş edib. Əmiraslanovun özü ekspertiza ilə bağlı Baş Prokurorluğa müraciət göndərib, amma cavab almayıb.
Yalnız iyunun 25-də Əmiraslanovu yoluxan Xüsusi Təcridxananın həkimi bildirib ki, onun ciddi müntəzəm müalicəyə ehtiyacı var. Amma həkim özü ciddi heç nə etməyib.
İlham Əmiraslanov 2010-cu ilin daşqını zamanı zərər çəkənlərin müdafiəsi ilə fəal şəkildə məşğul olub. Bu il iyunun 4-də o, bir qrup şikayətçinin Sabirabadda FHN rəhbəri Kəmaləddin Heydərovla görüşündə iştirak edib. Nazirlə görüşdən 4 gün sonra Əmiraslanov silah saxlamaq ittihamı ilə həbs edilib. Əmiraslanov Baş Prokurorluğa məktubunda yazıb ki, tapança onun deyil və xəlvəti şəkildə atılıb.
-
- İqtisadiyyat
- 30 İyun 2012 14:57
-
- Söz istəyirəm
- 2 İyul 2012 12:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz