İsmayıl Əhmədovun sədrliyi ilə Şirvan Apellyasiya Məhkəməsi Göyçay rayon məhkəməsinin hüquq müdafiəçisi Taleh Xasməmmədovun 221.3 (xuliqanlıq) və 315.1-ci (polisə müqavimət göstərmə) maddələrlə azadlıqdan məhrum edilməsi haqqında hökmünü qüvvədə saxladı.
Vəkil Əsabəli Mustafayev Turan-a bildirib ki, məhkəmə müdafiə tərəfin dəlillərini dinləməyib, şahid polislərin iştirak etməməsini nəzərə almayıb. Dövlət ittihamçısı Siyavuş Sadıqov birinci instansiya məhkəməsinin hökmünün qüvvədə saxlanmasında israr edib.
Xasməmmədov 2011-ci ilin noyabr ayında həbs edilib və bu il aprelin 20-də azadlıqdan məhrum edilib. Hüquq müdafiəçisi hesab edir ki, ona qarşı ittiham Ucar polisi rəhbərliyi tərəfindən saxtalaşdırılıb. Buna səbəb onun yerli polisin narkotik biznesi və traffikinqlə məşğul olan kriminal qrupla əlaqələri haqqında materiallar dərc etdirdiyinə görə saxta ittihamla həbs edilmiş jurnalist Fuad Hüseynovu müdafiə etməsi olub. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz