“Nardaran işi” üzrə həbslər üç mərhələdə aparılıb”, - “Siyasi Məhbuslarsız Azərbaycan” ictimai alyansının araşdırmasında deyilir. http://www.contact.az/docs/
Birinci mərhələ - 5-26 noyabr, 2015-ci il. “Müsəlman Birliyi” Hərəkatının sədr müavini Elçin Qasımov və Sabunçu polisinin qarşısına toplaşan dindarlar həbs edilib.
İkinci mərhələ - 26 noyabr. DİN Baş Mütəşəkkil Cinayətkarlığa Qarşı Mübarizə İdarəsinin Nardaranda xüsusi əməliyyatı. “Müsəlman Birliyi” Hərəkatının lideri Taleh Bağırzadə və onun bir qrup tərəfdarı həbs edilib.
Üçüncü mərhələ - 26 noyabrdan sonra. “Müsəlman Birliyi” Hərəkatının tərəfdarları və digər dindarlar, həmçinin AXCP sədrinin müavini Fuad Qəhrəmanlı həbs olunub.
“Nardaran işi” üzrə 200-dən çox adam saxlanılıb və həbs olunub. Onların bir hissəsi inzibati cəzalara məruz qalıb, 87 nəfərin barəsində cinayət işi açılıb və onlar həbs olunublar.
Onların əksəriyyətinə ifadə almaq üçün ağır işgəncələr veriblər. T.Bağırzadədən tələb olunub ki, Nardaranda etiraz mitinqlərinin Demokratik Qüvvələrin Milli Şurası və İranın xüsusi xidməti tərəfindən təşkil olunduğunu etiraf etsin.
Həbs olunanların əksəriyyəti uzun müddət vəkilsiz qalıb və onlar xarici aləmdən təcrid olunublar.
“Bütün bunlar belə güman etməyə əsas verir ki, “Nardaran işi” saxtalaşdırılıb və sifarişlidir”,- Alyansın hesabatında deyilir.
“Nardaran işi” üzrə həbs olunanlar “Taleh Bağırzadə fenomeninin məhv edilməsi” və etirazların yatırılması məqsədilə planlaşdırılan qanlı əməliyyatın qurbanlarıdır.
Onlar siyasi məhbus hesab olunurlar. Çünki AŞPA-nın 2012-ci il 3 oktyabr tarixli qətnaməsinin meyarlarına uyğun gəlirlər. Həmin qətnamədə “siyasi məhbus” anlayışının təyini verilir”, - hesabatda bildirilir.
Xatırladaq ki, həbs olunanlara qarşı ağır cinayətlər: qəsdən adam öldürmək, terrorizm, kütləvi iğtişaşlar, qanunsuz silah saxlamaq, hakimiyyətin zorla ələ keçirilməsi, dini ədavətin qızışdırılması və s. üzrə ittihamlar irəli sürülüb.
Dekabrın 8-də AXCP sədrinin müavini Fuad Qəhrəmanlı həbs edilib. O, hakimiyyətin zorla ələ keçirilməsi və dini ədavətin qızışdırılmasında ittiham olunub. Sonradan ona qarşı 220.2-ci maddə (iğtişaşlara çağırış) üzrə ittiham irəli sürülüb.
Digər 27 nəfər isə ölkə regionlarında, o cümlədən Gəncədə ağır cinayətlər törətmək ittihamı ilə həbs edilib.
Bu hesabat açıqlandıqdan sonra oktyabrın 14-də Oqtay Gülalıyev DİN Baş Mütəşəkkil Cinayətkarlığa Qarşı Mübarizə İdarəsinə çağırılıb.—06D-
Cəmiyyət
-
Bakcell Azərbaycanda mövcud olan istənilən sürətdən daha sürətli yeni məhsulunu - "F1 Star" fiber internet paketini təqdim edir. "Ölkənin ən sürətli mobil operatoru" şüarı ilə bütün ölkəyə bənzərsiz internet sürəti təmin edən Bakcell, bu dəfə yeniliyi evlərə gətirir. Özündə mesh Wi-Fi ruterləri birləşdirən məhsul, evin sahəsindən və mərtəbəsindən asılı olmayaraq hər küncündə eyni yüksək sürət performansını göstərəcək.
-
Lider mobil operator 6-7-ci sinif şagirdlərini İnformatika və Proqramlaşdırma Müsabiqəsində iştirak etməyə dəvət edir “Azercell Telekom” Azərbaycan Respublikası Elm və Təhsil Nazirliyi və Təhsil İnstitutu ilə birgə əməkdaşlıq çərçivəsində növbəti “AZERCELL CUP” müsabiqəsini elan edir. Məktəblilərin informatika və kompüter elmləri sahəsində inkişafının dəstəklənməsi məqsədi daşıyan müsabiqədə 6-7-ci sinif şagirdləri iştirak edəcək.
-
May ayının 12-də Dövlət Sərhəd Xidmətinin Sahil Mühafizəsinin sahil nəzarəti bölmələri, texniki müşahidə məntəqəsi və sərhəd gözətçi gəmisinin qarşılıqlı fəaliyyəti nəticəsində Ələt reydində Xəzər dənizinin Azərbaycan Respublikasına mənsub bölməsində sahildən 10.7 mil məsafədə ümumi çəkisi 26 kiloqram narkotik vasitə marixuana aşkar olunaraq götürülüb.
-
Mayın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Lakin gecə bəzi yerlərdə yağış yağacağı, qısamüddətli intensivləşəcəyi ehtimalı var. Şimal-qərb küləyi əsəcək. Havanın temperaturunun gecə 10-13 dərəcə, gündüz 16-19 dərəcə isti olacağı ehtimal edilir.
Rəy yaz