RF prezidentinin köməkçisi Yuri Uşakov bildirib ki, Moskva yaxın vaxtlarda Qarabağ münaqişəsinin nizamlanması ilə bağlı böyük nikbinlik keçirmir və Yerevan və Bakı ilə işi davam etdirəcək.
“Deməzdim ki, biz bu münaqişənin yaxın vaxtlarda nizamlanması ilə bağlı böyük nikbinlik keçiririk. Ancaq Bakı və Yerevanla işimizi davam etdirəcəyik”, - RİA Novosti Uşakovdan sitat gətirib.
RF prezidentinin köməkçisi danışıqların təfərrüatına varmayaraq deyib ki, çoxlu variantlar və təkliflər müzakirə olunur.
“Ancaq hələlik bir daha təkrar edirəm ki, xüsusi nikbinlik üçün əsas yoxdur”, - o əlavə edib.
Rusiyanın Ermənistana silah göndərməsinin səbəblərinə dair sualın cavabında Uşakov deyib ki, Rusiya Ermənistanın müttəfiqidir və tərəfdaşları ilə razılıq əldə etdiyi silahları onlara göndərə bilər.
“Məncə, burada heç kim üçün, o cümlədən azərbaycanlı tərəfdaşlar üçün gözlənilməz heç nə yoxdur. Bildiyiniz kimi, Azərbaycana da silah göndərilir”, - o vurğulayıb.-16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz