Hüquq müdafiəçisinin atasının, Qarabağ müharibəsi veteranının dəstəyə ehtiyacı var
Bakı/20.11.23/Turan: Hüquq müdafiəçisi Fuad Həsənovun atası, Birinci Qarabağ müharibəsinin veteranı, cərrah Sərxan Həsənov komaya düşüb və reanimasiyada ağır vəziyyətdədir.
Noyabrın 3-də onun vəziyyəti kəskin pisləşib və o yıxılıb. İki gün ərzində ona "təcili yardım" gəlib, lakin həkimlər "insult əlamətləri olmaması" bəhanəsi ilə onu xəstəxanaya yerləşdirməkdən imtina ediblər və ağrıkəsici iynələrlə kifayətləniblər.
Üçüncü dəfə "təcili yardım" çağırıldıqdan sonra o, 6 saylı xəstəxanaya aparılıb. Bir müddət sonra o "sepsis" diaqnozu ilə komaya düşüb. Bu infeksiya-iltihabdan yaranan, həyati təhlükəli vəziyyətidir, lakin şəhər xəstəxanasında tibbi müdaxilə məhdud olub və xəstə özəl Baku Medical Plaza xəstəxanasına köçürülüb.
Orada dializdən sonra böyrəklərin funksiyası bərpa edilib. Lakin onun uzunmüddətli müalicəyə və cərrahi müdaxiləyə ehtiyacı var.
Noyabrın 9-dan bu günə qədər hüquq müdafiəçisinin ailəsi özəl klinikada müalicəyə 19 min manat ödəyib. Lakin ailə bütün müalicə xərclərini ödəmək iqtidarında deyil.
Veterana, dahi alim, akademik Topçubaşovun tələbəsi, akademik Cavadzadənin assistenti olmuş cərraha dəstək olmaq istəyənlər aşağıdakı hesaba vəsait köçürə bilərlər: Beynəlxalq Bankda AZN kart hesab nömrəsi: 4127 2093 0099 9973 Beynəlxalq Bankda USD kart hesab nömrəsi: 4127 2093 0013 4886 Beynəlxalq Bankda Avro kart hesab nömrəsi: 5522 0993 5688 4775. 06В-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz