İşgəncələrə Qarşı Azərbaycan Komitəsinin Əl Oyunları Sarayının arxasında, Neftçilər prospekti, 26 ünvanda yerləşən ofisi qarət edilib. Bu barədə Turan-a hüquq müdafiəçisi Elçin Behbudov bildirib. Onun sözlərinə görə, hadisə dünən axşam baş verib.
“Ofisdən DVD, kompüter, qiymətli əşyalar oğurlanıb. Oğrular otağın divarını sökərək içəriyə daxil olublar. Dəhlizdə televizor var. Onu da aparmaq istəyiblər, lakin apara bilməyiblər”, - E.Behbudov bildirib.
O, hadisə barədə Səbayel Rayon Polis İdarəsinə məlumat verib.
Hüquq müdafiəçisi oğurluğu kriminal hadisə hesab edir və bu işdə siyasi çalar görmür. Onun sözlərinə görə, qonşu ofis də qarət olunub.
Qeyd edək ki, 2008-ci ildə E.Behbudovun avtomobilindən 30 min manat oğurlanmışdı.-16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz