Hüquq müdafiəçisi və Demokratik Qüvvələrin Milli Şurasının üzvü Oqtay Gülalıyevin oğlu Əli Gülalıyevin vəkili ittiham hökmünü qüvvədə saxlayan Apellyasiya Məhkəməsinin qərarından kassasiya şikayəti verib.
Xatırladaq ki, hüquq müdafiəçisinin oğlu 2013-cü il sentyabrın 20 də təhsil aldığı 165 nömrəli məktəbdə dava salmaqda ittiham olunub. İş üzrə zərərçəkmiş, həmin məktəbin şagirdi Bayram Sultanlı şikayətini geri götürüb. Bununla belə, oktyabrın 30-da Xətai rayon məhkəməsi Əli Gülalıyevi xuliqanlıqda ittiham edib və əmək haqqının 15%-i tutulmaqla 6 ay islah işlərinə məhkum edib. Sonradan apellyasiya məhkəməsi bu qərarı qüvvədə saxlayıb.
Oqtay Gülalıyev bildirib ki, Apellyasiya Məhkəməsi obyektiv istintaq aparmayıb.
“Müdafiə tərəfin bir çox vəsatətləri təmin edilməyib. Məhkəmə şahidlərin çağırılması, videomateriallara baxış keçirilməsi haqqında vəsatətləri təmin etməyib, Xətai rayon məhkəməsində məhkəmə iclaslarının protokollarının saxtalaşdırılmasını araşdırmayıb.
Apellyasiya Məhkəməsi qismi məhkəmə istintaqı aparmaqdan imtina edib və bu işdə qanun pozuntularına göz yumub”, deyə hüquq müdafiəçisi Turan agentliyinə bildirib.
O, əmindir ki, oğlunun təqibi hüquq müdafiəçisinin siyasi fəaliyyəti ilə bağlıdır və ona təzyiq formasıdır. -06D-
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz