Sentyabrın 9-da Xətai Rayon Məhkəməsində Bəxtiyar Məmmədovun sədrliyi ilə hüquq müdafiəçisi Oqtay Gülalıyevin oğlu 17 yaşlı Əli Gülalıyevin işi üzrə hazırlıq iclası keçirilib.
O, xuliqanlıqda ittiham olunur. Əsasən 2013-cü il sentyabrın 20-də təhsil aldığı165 saylı məktəbdə davada iştirakda təqsirli bilinir.
Bu məktəbin şagirdi Bayram Sultanlı da iş üzrə zərərçəkən kimi keçir.
Lakin istintaq sentyabrın 23-də A.Gülalıyevə hücum faktını və bıçaq zərbəsinin endirilməsini araşdırmır.
Avqustun 29-da olduğu kimi, nə zərərçəkən, nə də onun nümayəndəsi məhkəməyə gəlməyib.
Hakim məhkəmə icraatına başlanması barədə qərar qəbul edib və mahiyyəti üzrə dinləmələri sentyabrın 23-nə təyin edib. O. Gülalıyev bildirib.
Demokratik ictimaiyyətin nümayəndələri əmindir ki, A.Gülalıyevin təqib olunması atasının fəaliyyəti ilə bağlıdır. Belə ki, O.Gülalıyev siyasi məhbuslar problemini qaldırıb, eyni zamanda Milli Şuranın prezidentliyə namizədi Cəmil Həsənlinin mətbuat katibi olub. —06С-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz