Gürcüstanda Azərbaycanın gənc alpinistlərindən ibarət olan qrupun təlim-məşq toplanışları uğurla sona çatıb. Qrupun rəhbərliyini tanınmış alpinist, Respublika Alpinist-Turist Klubunun üzvü Firuz Dadaşov həyata keçirib.
Planlara əsasən, 6 nəfərdən (əsasən alpinizmdə ilk qədəmlərini qoyan idmançılardan) ibarət olan qrup qar-buz şəraitində işləməyi və axtarış-xilas əməliyyatlarını aparmağı öyrənməli idi. Məşqlər bitəndən sonra qrup Kazbekə (5033 m) qalxmaq fikrində idi.
Xoş proqnozlara baxmayaraq Kazbek alpinistlərimizi olduqca pis hava ilə qarşılayıb.
Buna baxmayaraq, alpinistlər 3600 m hündürlüyə qalxıb, orada ana düşərgəsini qurublar. Növbəti gün, senyabrın 5-də uşaqlar artıq Qerqeti buzlağında qar-buz məşqlərinə başlayıblar, sentyabrın 6-da isə, planlaşdırılan kimi, xoş hava şəraitində zirvəyə doğru üz tutublar. Səhər Bakı vaxtı ilə saat 03.15-də alpinistlər ana düşərgədən çıxıb zirvənin hücümüna keçiblər. Saat 12.30-da qrup (bir nəfəri çıxmaq şərti ilə) Kazbek zirvəsində idi.
Elə həmin gün uşaqlar Qerqeti kəndinə (1800 m) eniblər, bir gün dincələndən sonra isə Bakıya qayıdıblar.
Qrupun rəhbəri Firuz Dadaşov səfərdən çox razıdır. “Qar-buz məşqləri zamanı və zirvəyə qalxanda uşaqlar verilən tapşırıqları çox yaxşı yerinə yetiriblər. Afərin onlara”, - deyə alpinist bildirib.
Avqustdan senytabr ayınadək AAF-nın alpinistləri Kazbekə 4 uğurlu səfər həyata keçiriblər. Bu səfərlərdə AAF-nın üzvləri: “Qartal”, “Nikoyl”, DİK, “İrbis” və RATK klubları iştirak edib. Həmçinin Kazbekə AAF-nın instruktoru Sirxan Məmmədovun rəhbərliyi altında İran alpinist qrupu qalxmışdır.
Bu müddət ərzində əfsanəvi dağa qalxmalardan savayı AAF Gürcüstan dağlarında 3 dəfə təlim-məşq toplanışlarını da keçirib.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz