Bakı/22.07.17/Turan: İyulun 22-də 2017/2018-ci tədris ili üçün ali məktəblərinə I və IV ixtisas qrupları üzrə qəbul imtahanı keçirilir. Xəbəri Dövlət İmtahan Mərkəzi (DİM) yayıb.
İmtahan ölkənin 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində ümumilikdə 55 binada aparılacaq.
İmtahanda 27 961 abituriyentin iştirakı gözlənilir, onlardan 23 510 abituriyent I qrup üzrə, 4 451 abituriyent IV qrup üzrə imtahan verəcək.
Abituriyentlərdən 25 500 nəfəri Azərbaycan bölməsinin (I qrup üzrə 21 543, IV qrup üzrə 3 957 nəfər), 2 461 nəfəri isə rus bölməsinin (I qrup üzrə 1 967, IV qrup üzrə 494 nəfər) məzunudur.
Abituriyentlərin 16 437 nəfəri oğlanlar (I qrup üzrə 15063 nəfər, IV qrup üzrə 1374 nəfər), 11 524 nəfəri isə qızlardır (I qrup üzrə 8447 nəfər, IV qrup üzrə 3077 nəfər).
İmtahanın gedişini işıqlandırmaq üçün 60-dək KİV nümayəndəsi DİM-də akkreditasiyadan keçib.
İmtahan bütün binalarda eyni vaxtda - saat 11:00-da başlanır və və 3 saat davam edəcək.
Xatırladaq ki, bu il ali məktəblərə qəbul imthanları ilk dəfə olraq iki dəfə kçeirilir. İlk qəbul imtahanı bu il aprelin sonu, mayın əvvəlində keçirilib.
Bu il həm də təkrar qəbul imtahanı vermək istəyənlər buna görə ödəniş etməldirilər və bu ödəniş 10-manatdan 100 manata qədərdir.-0--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz