Rüfət Səfərov
Bakı/22.07.17/Turan:/22.0717/Turan: Həbsdə olan keçmiş müstəntiq Rüfət Səfərovun hüquqlarını Müdafiə Komitəsi iyulun 21-də növbəti toplantısını keçirib. Bu barədə komitə üzvü, "Ziyalılar Birliyi"nin rəhbəri Eldəniz Quliyev bildirib.
E.Quliyev keçmiş müstəntiqi həbsxanada da rahat omasına imkan yaradılmadığını deyərək buna etirazını bildirib: ""Etmədiyi cinayətə görə 9 il iş alan Rüfət bəydən həbsxanada da əl çəkmirlər, yüz oyun,yüz hoqqadan çıxırlar ki, nə isə qurub-quraşdırıb onu qapalı tipli cəzaçəkmə müəssisəsinə göndərsinlər ki, təki sussun, təki sınsın, yox olsun".
Komitə üzvü məhbusa bu münasibəti həm insafsızlıq, həm qanunsuzluq, həm də çox böyük ədalətsizlik, ən başlıcası Allahsızlıq adlandırıb.
E.Quliyev hesab edir ki, bütün bu qanunsuzluqlar qərəz və nifrət R.Səfərova bəslənilən qisasçılığın nəticəsidir.
E.Quliyev deyir ki, R.Səfərov valideynləri vasitəsilə Qobustana köçülüməsinə hazırlıq getdiyini və bu baərəd məlumat aldığını bildirib: "O, 9 sayli cəzaçəkmə müəssisəsinə köçürüldüyü ilk vaxtlarda 3 gün, daha sonra isə 7 gün olmaqla kartserə salınmasını qapalı həbsxanaya köçürülməsinə hazırlıq kimi kimi dəyərləndirib.
Vəkil Bəhruz Bayarmlı qarşıdakı həftə R.Səfərovla görüşməklə bu məsələlərə aydınlıq gətirəcəyini söyləyib.
Xatırladaq ki, R.Səfərov Zərdab rayon prokuroluğunun müstəntiqi olub. 2015-ci il dekabrın 20-də hüquq-mühafizə orqanlarındakı qanunsuzluqlara etiraz bəyanatı yayaraq sistemdən istefa verib. Həmin il dekabrın sonunda R.Səfərov saxlanılaraq Binəqədi rayon məhkəməsinə çıxarılıb. Barəsində 3 ay 26 gün həbs qət-imkan qərarı seçilib, ona qarşı təkrar rüşvətalama ittihamı irəli sürülüb. 2016 -cı ilin yanvarında barəsindəki həbs qət-imkan tədbiri ev dustaqlığı ilə əvəz edilib, cinayət işini Baş Prokuror yanında Korrupsiyaya qarşı Mübarizə İdarəsi aparıb və 2016-cl ilin sentyabrında Lənrəran Rayon Ağır Cinayətlər ÜZRƏ Məhkəməsinin əqrarı ilə son söz verilmədən 9 il azadlıqdan məhrum edilib.Cəzasını 9 saylı cəzaçəkmə müəssisəsində çəkir.
Xatırladaq ki, R.Səfərov keçmiş YAP-çı deputat, Müdafiə nazilriyi mətbuat xidmətinin keçmiş rəhbəri Eldar Sabiroğonun oğludur.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz