Bakı/23.03.18/Turan: Beynəlxalq Vəkillər Assosiasiyasının İnsan Hüquqları İnstitutu (IBAHRI) Azərbaycan Vəkillər Kollegiyasından Fəxrəddin Mehdiyevin vəkillik fəaliyyətinin dayandırılması qərarının ləğv edilməsini xahiş edir. Bu barədə IBAHRI-nin martın 22-də yaydığı müraciətdə deyilir.
IBAHRI-nin direktoru Filip Tahmincis Vəkillər Kollegiyasının bəzi vəkillərin lisenziyasını dayandırmasını tənqid edib.
"Vəkillərin öz müştəriləri ilə bağlı qərar vermələri Vəkillər Kollegiyasının vəzifəsinə aid məsələ deyil. Əksinə, Vəkillər Kollegiyası vəkillərin müstəqilliyinin qorunmasına yardımçı olmalıdır", - o qeyd edib.
IBAHRI-nin həmsədri Hans Corel isə son zamanlar Azərbaycanda vəkillik sahəsində aparılan qanunvericilik dəyişikliklərinə toxunub.
Onun fikrincə, qanunvericiliyə dəyişikliklər və bəzi vəkillərin lisenziyasının alınması hüquqları pozulan qurbanların hüquqi təmsilçiliyini çətinləşdirir.
"Vəkillər öz vəzifələrini yerinə yetirərkən maneələrə, təqiblərə və müdaxilələrə məruz qalmamalıdır", - Corel qeyd edib.
F.Mehdiyevin vəkillik fəaliyyəti bu il yanvarın 22-də dayandırılıb. Vəkillər Kollegiyasının Rəyasət Heyətinin qərarına əsasən F.Mehdiyevin vəkillik fəaliyyətinə birillik xitam verilib. Bu qərarın qəbul edildiyi toplantıda F.Mehdiyevin özü iştirak etməyib.
F.Mehdiyevin "Azərbaycan Beynəlxalq Bankı" Açıq Səhmdar Cəmiyyətinin İdarə Heyətinin sədri, 15 il azadlıqdan məhrum edilmiş Cahangir Hacıyevin mətbuatda dərc olunmuş müsahibəsini yaymağa görə cəzalandırıldığı bildirilir.
"Məni Cahangir Hacıyevin açıqlamasını mətbuata ötürməkdə ittiham edirlər. Halbuki, bu əməldə heç bir qanunsuzluq yoxdur. Hüquqlarını müdafiə etdiyim şəxsin ünvanına ittihamlar, təhqiramiz ifadələr səsləndirilib, onun da cavab vermək, özünü müdafiə etmək hüququ var. Qanunun imkan verdiyi üsullardan istifadə edərək, onu müdafiə etmək vəkil kimi mənim borcumdur", -F.Mehdiyev bildirib.
F.Mehdiyev C.Hacıyevlə yanaşı, bir sıra ictimai-siyasi fəalların, o cümlədən "Müsəlman Birliyi" Hərəkatının sədri Taleh Bağırovun, AXCP sədrinin müavini Fuad Qəhrəmanlının, həmin partiyanın sədri Əli Kərimlinin qaynı Elnur Seyidovun və digər ictimai-siyasi fəalların vəkilidir.
2017-ci ilin noyabrında Vəkillər Kollegiyası digər tanınmış vəkil Yalçın İmanovun vəkillik səlahiyyətlərini dayandırıb.
Son illər hüquq-müdafiə fəaliyyəti üzrə ixtisaslaşan bəzi vəkillər: Xalid Bağırov, Əlaif Həsənov, Aslan İsmayılov, Elçin Namazov vəkillikdən kənarlaşdırılıb.-06D--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz