Sərhədçilər 12 kiloqrama yaxın narkotik vasitənin ölkəyə gətirilməsinin qarşısını alıblar
Bakı/23.03.18/Turan: Azərbaycan Dövlət Sərhəd Xidmətinin əməkdaşları ölkə ərazisinə İrandan 11,9 kq. narkotik vasitənin gətirilməsinin qarşısını alıblar.
Qaçaqmal Xəzər dənizinin Astara rayonu istiqamətində qayıqda aşkar edilib.
Sərhəd- gözətçi gəmisi yoxlama məqsədilə qayığı saxlayıb. Qayıqda Astara rayonu Şahağacı kənd sakinləri Əliağa Quliyev və Seymur Quliyev olub. Onların sərhəd sularında üzmə qaydalarını pozmaları müəyyən olunub.
Qayığa baxış zamanı 11,9 kq. narkotik maddə aşkar edilib. Həmin şəxslər narkotik vasitəni Azərbaycan ərazisinə keçirmək istəyirmişlər.
Fakt üzrə zəruri əməliyyat və istintaq tədbirləri davam etdirilir.-06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz