![İctimai birlik: Bu həbslər iqtidarın cəmiyyətə etinasızlığıdır](https://turan.az/resized/750/500/resize/media/2015/main/080500125205.jpg)
İctimai birlik: Bu həbslər iqtidarın cəmiyyətə etinasızlığıdır
“Siyasi Məhbuslarsız Azərbaycan” ictimai alyansı ictimai-siyasi fəalların həbsləri və ailə üzvlərinə təzyiqlərlə bağlı etiraz bəyanatı yayıb.
Sənəddə 2014-cü ilin iyul-avqust aylarından rəsmi Bakının vətəndaş cəmiyyəti fəallarına qarşı apardığı repressiyanın şiddətləndiyi nəzərə çatdırılır. Ötən bir il ərzində ölkənin ictimai həyatının Arif və Leyla Yunus, Xədicə İsmayıl, Rəsul Cəfərov, İntiqam Əliyev və s. tanınmış simalarının saxlandığı və həbsə alındığı nəzərə çatdırılır. Sənəddə həmçinin 10-larla QHT-nin bank hesablarına həbs qoyulduğu vurğulanır. Daha sonra müəlliflər rəsmi Bakıya tənqidi mövqeyilə seçilən “Azərbaycan saatı” tele-proqramının və “Meydan tv”nin rəhbəri Qənimət Zahid və Emin Millinin qohumlarına təzyiqlər olduğunu nəzərə çatdırır. “Əslində 1937- ci il repressiyalarından irəli gedən bu tendensiya hakimiyyətin azad mediaya, fərqli fikrə münasibətini ortaya qoymaqla, həm də milli-mənəvi dəyərlərə etinasızlığını nümayiş etdirirdi”, - deyə müəlliflər repressiyalara münasibət ifadə edirlər.
Məülliflər Arif və Leyla Yunusların məhkəmə prosesinin qapalı keçirilməsini, media qurumlarının məhkəmə prosesinə buraxılmamasını “ölkədə totalitar idarəetmə və düşüncənin hökm sürməsi” kimi dəyərləndirirlər.
Sənəddə Göyçayda fəaliyyət göstərən Taleh Xasməmədovun 3 il həbs olunmasına etiraz edən anası Gülbuta Xasməmmədovaya qarşı polisə müqavimət adı ilə cinayət işi başlandığı qeyd edilir. Müəlliflər T.Xasməmmədovun həbsinin arxasında Göyçay rayon icra başçısı Mübariz Ağayevin durduğunu iddia edirlər.
Daha sonra sənəddə rəsmi Bakının həbsdə olan REAL Hərəkatının lideri İlqar Məmmədovun azadlığa buraxılması haqda Avropa Məhkəməsi və Avropa Şurası Nazirlər Komitəsinin qərarını yerinə yetriməməsi pislənilir. Müəlliflər İ.Məmmədovun son vaxtlar həbsxanada öyrədilmiş dustaqların fiziki zorakalığına məruz qalmasına diqqət çəkir.
AXCP Rəyasət Heyətinin üzvü, Qarabağ qazisi Asif Yusiflinin həbsi kəskin pislənilir və bu həbs hakimiyyətin qanunlara, Qarabağa və Qarabağ qazilərinə sayqısız münasibəti adlandırılır.
Son olaraq, alyans hakimiyyətdən ictimai fəallara və qohumlarına qarşı apardığı repressiyaları dayandırmağı, həbsdə olan bütün siyasi məhbusları qeyd-şərtsiz azadlığa buraxmağı tələb edir. -05D-
-
- İqtisadiyyat
- 5 Avqust 2015 16:28
-
- Foto sessiyalar
- 6 Avqust 2015 01:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz