“Siyasi Məhbuslarsız Azərbaycan” ictimai birliyi bazar ertəsi RATİ-də Kamran Seyidovun intiharı ilə bağlı dinləmələr keçirib.
Ölkədə bütün sahələrdə olduğu kimi, hüquq-mühafizə sistemi daxilində də böhran yaşandığı vurğulanıb. İşgəncə, hədə-qorxu, saxta ittihamla həbslər, bu ittiham əsasında qurulan məhkəmə prosesləri pislənilib. İşgəncə yolu ilə insanların yalan ifadələr verməyə məcbur olunması məsələsinə toxunulub. Bu fonda həbsə alınan ruhani alim Taleh Bağırzadə, Bəxtiyar Qurbanov və Röyal Əsgərovun işində şahid kimi keçən Kamran Seyidovun intiharı məsələsinə xüsusi toxunulub.
K.Seyidov sentyabrın 25-də yazdığı məktubda intiharına səbəb kimi məhz bu ilin aprelində “bandotel”də B.Qurbanov və R.Əsgərov əleyhinə ifadə alınmasını göstərib. Sentyabrın 26-da işlədiyi ARDŞ-dəki namaz otağında intihar edib. Bu fakta əsasən cinayət işi qaldırılması vacib sayılıb, bu faktı ictimailəşdirməklə diqqət mərkəzində saxlanılması təklif edilib. K.Seyidovun qohumları, yaxınları vasitəsilə bu faktı hüquqi müstəviyə çıxarmaq, bu işdə günahı olan şəxslərin cəzalandırılmasına nail olmaq zərurəti irəli sürülüb.
İslamçıların Hüquqlarını Müdafiə Komitəsinin rəhbəri Mirqasım Əliyev K.Seyidovun intiharını “zora qarşı vicdan əzabının cavabı” kimi dəyərləndirib. Daxili İşlər Nazirliyinin K.Seyidova işəncə verilməsini inkar etməsi tədbirdə pislənilib. Hər-hansı təhqiqat aparmadan DİN-in faktı inkar etməsi “DİN-in ənənəvi mövqeyi” adlandırılıb. Bununla yanaşı, müttəhimlər B.Qurbanov, R.Əsgərovun özlərinin də işgəncələrə məruz qaldıqları nəzərə çatdırılıb. T.Bağırzadə Sabunçu rayon məhkəməsinə çıxarılarkən bədənində xəsarət izləri olmasına baxmayaraq, hakimin bu məsələnin təhqiq olunması qərarı çıxarmamasına da toxunulub. Ölkədə müstəqil məhkəmə sisteminin yoxluğu vətəndaşların tam hüquqsuz durumda olmaları kimi dəyərləndirilib.
K.Seyidovun intihar etməsinin səbəblərilə bağlı yazdığı məktub “insan taleyinə biganəliyi aradan qaldırmaq üçün xalqa özünəməxsus müraciət” hesab edilib.
Məsələnin ictimailəşdirilməsinin vacibliyi xüsusi qeyd edilib. Bununla bağlı komitə tərkibində K.Seyidovun intihar faktını araşdırmalı olan xüsusi komissiya yaradılması təklif edilib. Bununla yanaşı, ölkə zindanlarında işgəncə nəticəsində ölüm faktlarının araşdırılması da nəzərə çatdırılıb. Bu məqsədlə komissiyanın işinə hüquqşünasların cəlb olunması vacib sayılıb. -05C-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz