Ümid Partiyası bəyanatla çıxış edərək, bir qrup jurnalistin və mədəniyyət xadiminin prezident İlham Əliyevə Azərbaycanın Avropa İttifaqının “Şərq Tərəfdaşlığı” proqramında iştirakına yenidən baxmaq çağırışı ilə müraciətilə bağlı təəssüfünü bildirib.
Ümid Partiyası hesab edir ki, mürəkkəb və ziddiyyətli geosiyasi proseslər şəraitində Azərbaycan öz suverenliyini qorumaq üçün Avroatlantik inteqrasiya istiqamətində qəti seçim etməlidir.
Partiya “Şərq Tərəfdaşlığı” proqramı çərçivəsində əməkdaşlığın genişləndirilməsini və Vilnyus sammitində “Assosiativ münasibətlər haqqında” saziş imzalanmasını və Aİ ilə viza rejiminin sadələşdirilməsini mühüm hesab edir.
“Bu, Avropa dəyərlərinin azərbaycanlıların həyat tərzinə aşılanmasının girovudur”, deyə bəyanatda bildirilir. -06D-
Siyasət
-
Oktyabrın 15-də Bakı Ağır Cinayətlər Məhkəməsində ictimai fəal Möhyəddin Orucovun işi üzrə iclas keçirilib.
-
Çərşənbə axşamı ABŞ bildirib ki, Gürcüstanda keçiriləcək seçkiləri Rusiyapərəst hakim partiyanın "saxtalaşdıra" biləcəyindən ehtiyat edərək seçkiləri "yaxından izləyəcək". "Biz istəyirik ki, Gürcüstanda azad və ədalətli seçkilər keçirilsin və biz qarşıdakı günlərdə bunu yaxından izləyəcəyik", - Dövlət Departamentinin mətbuat katibi Metyu Miller hakim Gürcü Arzusu Partiyasının 26 oktyabr seçkilərini saxtalaşdırmaq cəhdlərilə bağlı Turan-ın sualını cavablandırarkən deyib.
-
Çərşənbə axşamı ABŞ Şimali Koreya əsgərlərinin Ukraynada Rusiyanın tərəfində döyüşməsi barədə xəbərlərdən "narahatlığını" bildirib.
-
ABŞ çərşənbə axşamı bildirib ki, o, Azərbaycan və Ermənistan arasında mümkün sülh razılaşmasını BMT-nin COP29 iqlim konfransı ilə "heç vaxt əlaqələndirməyib".
Rəy yaz