Azərbaycan komandası Gürcüstanın Stepantsminda qəsəbəsində keçirilən “Red Bull GerGetİt 2013” beynəlxalq ekstremal estafet yarışlarında 3-cü yeri qazanıb
Azərbaycan Alpinizm Federasiyasının (AAF) mətbuat xidmətindən verilən məlumata görə, 14 sentyabr 2013-cü il tarixində keçirilən yarışlarda 15 komanda iştirak edib. Onlardan dördü Gürcüstanı, 10-u isə başqa ölkələri təmsil edib.
Azərbaycan və Türkiyə komandalarının da qatıldığı nüfuzlu yarışlarda ölkəmizi Rauf Zeynalov (qayaya dırmanma), Aqşın Bağırlı (dağçılıq velosipedi), İsmayıl Məmmədov (qaçış) və Emre Ertək (kayak) təmsil ediblər.
Azərbaycan komandasının iştirakçıları bu tədbirə qədər bir-biri ilə tanış olmadıqlarına baxmayaraq, düzgün təşkil olunmuş iş və qarşılıqlı səmimiyyət komandaya üçüncü yer gətirib (birinci və ikinci yerləri Gürcüstan komandaları qazanıb).
Yarışda AAF-ın dəstəyi ilə çıxış edən Rauf Zeynalov ən çətin sınaqlardan keçib. Səhhəti ilə bağlı problemləri olan idmançımız (yüksək hərarəti olmasına baxmayaraq) eyni zamanda, kayak idmançısından estafeti alıb, qayanı fəth etməmişdən öncə qayayadək qaçmalı idi. Bu da idmançımızın xeyli enerji itirməsinə səbəb olub. Bütün bunlara baxmayaraq, Rauf öz missiyasını yerinə yetirərək təpənin önünə düşüb və velosipedçi İsmayıl Məmmədova estafeti ötürüb.
Komandamızın digər iştirakçısı Aqşın Bağırlı da çətinliklərlə üzləşib. O, qısa məsafələr və sprint üzrə ixtisaslaşsa da, yarışda yeddi kilometr məsafəni qaçmalı olub. Aqşın də digər idmançılarımızla birgə tapşırıqların öhdəsindən şərəflə gələ bilib və idmançılarımız Azərbaycan komandasına üçüncü yeri gətiriblər. Bu münasibətlə AAF komandamızı təbrik edib, dəstək olanların hamısına minnətdarlığını bildirib.
Gürcüstanda keçirilmiş beynəlxalq ekstremal estafet yarışı ölkəmizin idmançıları üçün yeni, maraqlı və şübhəsiz ki, uğurlu bir təcrübə olub.
Qeyd edək ki, sözügedən yarışlar özündə bir neçə ekstremal növləri – kayakinq (su turizmin növündən biri), dağçılıq velosipedi, dağlarda qaçış və qayaya dırmanmanı birləşdirir.
Cəmiyyət
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
Rəy yaz