Seçki kampaniyasının birinci mərhələsi beynəlxalq satnadartlara uyğun olmayıb

İki yerli QHT- Seçkilərin Monitorinq Mərkəzi və Demokratiyanın Tədisi və Könüllülərin Beynəlzalq Əməkdaşlığı ictimai bilriyi 9 oktyabr prezident seçkiləri kampaniyasının üzünmüddətli müşahidəsinin birgə nəticələrinə dair aralıq hesabatı  sentyabrın 16-da açıqlayıblar. Aralıq hesabat seçki kampaniyasının başlanması, namizədlərin irəli sürülmələri və qeydə alınmaları, imzaların toplanması və qeydiyyat dövrünü, habelə seçki komissiyalarının bütün səviyyələr üzrə fəaliyyətini əhatə edir.

Monitorinq 125 seçki dairəsindən 89-nu əhatə edib. 32 yerli uzunmüddətli müşahidəçinin, namizədlərin seçki qərargahlarının, “Seçkilərin ictimai müşahidəsi” portalına vətəndaşlardan daxil olan məlumatlar  təhqiqatın əsası olub.      

SMMDT-nin icraçı direktoru Bəşir Süleymanlı qeyd edib ki, əvvəlki seçkilərlə müqayisədə indiki kampaniyada imza toplanması zamanı vətəndşalara təzyiq daha az olub, amma İlham Əliyevin müdafiəsi üçün inzibati resurs işə salınıb. Digər tərəfdən kampaniya sakit formada keçib və geniş ictimaiyyətin diqqətini cəlb etməyib.

Namizədlərdən yalnız Cəmil Həsənliyə, İlqar Məmmədova, İqbal Ağazadəyə, Əli Əliyevə, Ərəstun Orucluya və Qüdrət Həsənquliyevə imza toplanması zamanı aktiv kampaniya müşahidə edilib. 

Ilham Əliyevin xeyrinə imza toplanması büdcə təşkilatlaırnda keçirilb. 

Ölkənin rayonlarında məktəb işçilərinin şəxsiyyət vəsiqələrinin kütləvi şəkildə yığılaraq rayon icra hakimiyyətlərinə verilməsi kimi fakt qeydə alınıb. İcra nümayəndələri, bələdiyyələr bu prosesə cəlb ediliblər. Seçicilərin ələ alınması kii birbaşa faktlar olmayıb. amma onlara problemlərinin həll ediləcəyi vədləri verilib.    

Qurumun rəhbəri Anar Məmmədli qeyd edib ki, kütləvi pozuntuların olmaması kampaniyanın milli qanunvericiliyə və beynəlxalq standartlara uyğunluğu kimi başa düşülməməlidir. Ötən 5 il ərzində seçki kampaniyasının müddəti 120 gündən 60 günə endirilib, bu isə namizədlər üçün çətinliklər törədir.  

Belə süni maneələrdən irəli gələrək İlqar Məmmədovun xeyrinə imzaları ancaq 12 gün yığmaq mümkün olub. “Əgər namizədliyini daha əvvəl qeydə alsaydılar , kampaniya daha yüksək səviyyədə keçə bilərdi”deyə A.Məmmədov qeyd edib.

Bundan əlavə, seçki kampaniyasını ölkədə sərbəst toplaşmaq, ifadə azadlığını reallaşdırmaq prosesinin sərtləşdirilm.si müşayət edib. Ekspert həmçinin Mərkəzi Seçki Komissiyasının 4 prezidenliyə namizədin qeydə alınmasından imtina etməsini şübhəli adlandırıb.     

Milli Şuranın sədri Rüstəm İbrahimbəyovun namizədliyinə gəlincə, deyilib ki, bu imza vərəqələri verilməyən yeganə namziəddir və qurum bu mübahisəli məsələnin təfərrüatlarını öyrənir. Sonda SMMDT bir sıra tövsiyyələr irəli sürüb. 

Seçkilərə ictimai marağı və etimadı yüksəltmək üçün srəbsət toplaşmaq, ifadə azadlığını tam təmin etmək, bu il həbsəı alınan bütün siyasi məhbusları və gənc fəalları azad etmək, məntəqə və dairə seçki komissiyalarının açıqlığını təmin etmək, imza toplanışına müdaxilə etmiş məmurları cəzalandırmaq, qeydiyyatından imtina edilən namizədlərin şikayətlərinin ədalətli təhqiq etmək təklif olunur.   

KBƏİB-in rəhbəri Elnur Məmmədov bu yaxınlarda seçkiöncəsi təbliğatın nəticələrinə dair daha bir aralıq hesabatın, seçkilrədən sonra isə ilkin və yekun hesabatların yayılacağını bildirib.-06C-