Ən yaxşı həyat sığortası şirkəti müştərilərə mükafatların 11%-i ödəyir

Könüllü yığım sığortası, nəhayət, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanı keçib. Bu növ üzrə 20,67 mln manat, “rəqib” növ üzrə 20,47 mln manat toplanıb. 

Bu 2 növ üzrə həyat sığortası mükafatlarının 92,2%-i toplanıb. Həyat sığortası üzrə cəmi 44 mln 592,4 min manat mükafat olub. 

Azərbaycanda hələlik həyat sığortası üzrə ixtisaslaşıb, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta edən 3 şirkət var. 

Həyat sığortasına yığım vasitəsi kimi baxılır. Metodikaya görə, 30-40% müştərilərin etimadını qazanmaq üçün ödənməlidir. 

1 sentyabr üçün “Paşa həyat Sığorta” 19 mln 312,04 min manat, “Atəşgah həyat Sığorta” 18 mln 362,82 min manat, “Qala həyat Sığorta” - 6 mln 917,25 min manat mükafat toplayıb. Ödənişlərdə “Atəşgah həyat Sığorta” liderdir - 2 mln 067,68 min manat (ödəniş səviyyəsi 11,26%). 

Vergilər Nazirliyinin məlumatına görə, ölkədə 463 min sahibkar var. Onların beşdə biri real məşğulluğu təmin edir. Bütün təbii inhisarlar və iri biznesmenlər sığorta şirkətləri ilə müqavilə bağlayıb.

“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanun 2010-cu ildə təsdiq edilib. 17 dekabrda Maliyyə Nazirliyi normativ-hüquqi aktları təsdiq edib. 2010-cu ilin noyabrında Nazirlər Kabinetinin təsdiq ertdiyi tariflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir. Qanuna əsasən, sığorta tarifi müəssisənin maaş fonduna köçürülür. Qanun 3  sığorta ödənişi növünü nəzərdə tutur: aylıq, bir dəfəlik və əlavə. Bundan başqa, hər il dövlət büdcəsinin xərclər hissəsinə istehsalatda bədbəxt hadisələr və peşə xəstəliklərdən icbari sığorta üzrə 10 mln manat ayrılır. --17D—