![Nicat İbrahim](https://turan.az/resized/news/2025/OjNfNv5pMobBiwLKugYSCWiRTe3j73vCy9FRzrv8-750-500-resize.webp)
Nicat İbrahim
Məhkəmə fəal Nicat İbrahimi azadlığa buraxmayıb
Bu gün Bakı Ağır Cinayətlər Məhkəməsində ictimai fəal Nicat İbrahimin cinayət işi üzrə məhkəmənin hazırlıq iclası başlayıb.
Vəkil Zibeydə Sadıqova qeyd edib ki, onun həbs müddəti yanvarın 9-da başa çatır və buna görə də, onun azadlığa buraxılması və ya imkan tədbirinin ev dustaqlığı ilə əvəz olunması ilə bağlı vəsatət qaldırıb.
İbrahim özü isə heç kimə hücum etmədiyini deyib.
O, sentyabrın 6-da ailəsini xaricə göndərdiyini və özünün ölkədən çıxış qadağasının aradan qaldırılmasına çalışdığını deyib.
Belə bir vəziyyətdə onun sentyabrın 9-da kiməsə hücum etməsi barədə ittiham absurddur.
Lakin məhkəmə İbrahimi azad etməyiv. Növbəti iclas yanvarın 13-nə təyin edilib.
* 1 saylı Bakı İstintaq Təcridxanasında saxlanılan Nicat İbrahim noyabrın 20-də əsassız cinayət təqibinə etiraz əlaməti olaraq özünə çoxsaylı xəsarətlər yetirib. Bu barədə Turan-a onun həyat yoldaşı Pərvin İbrahim bildirib.
Nicat İbrahim sentyabrın 9-da qəsdən sağlamlığa ağır zərər vurma ittihamı ilə saxlanılıb.
Sentyabrın 6-da Bakı hava limanında sərhədçilər DİN-in qadağasına istinad edərək, onu ölkədən buraxmayıb. Həyat yoldaşı və yetkinlik yaşına çatmamış iki övladı isə təyyarəyə buraxılıb.
Bundan sonra o, qanunsuz qadağanı ləğv etmək tələbi ilə DİN-ə müraciət edib və DİN-in binası qarşısında özünü yandırmaqla hədələyib. Sentyabrın 9-da saxlanılıb və ona qarşı ittihamlar irəli sürülüb. Oktyabrın 5-də aclıq aksiyasına başlayıb və iki həftə ərzində aclığı davam etdirib.
** İbrahim 2021-ci ildə karantin rejimini pozma ittihamı ilə həbs edilib və 15 ay azadlıqdan məhrumetmə cəzasına məhkum edilib. Həbsə onun Prezident Administrasiyası qarşısında təkbaşına piket keçirməsi səbəb olub.
Siyasət
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
-
Ötən həftə Azərbaycanda daha iki məşhur jurnalist həbs olunub. Şahnaz Bəylərqızı son aylar həbs edilmiş səkkizinci qadın jurnalist oldu.
-
Moskva Ermənistan və Azərbaycanın münasibətlərin uzunmüddətli tənzimlənməsi demək olan sülh müqaviləsi işləyib hazırlamasının tərəfdarıdır. Bu barədə RF XİN başçısının müavini Mixail Qaluzin "İzvestiya"ya müsahibəsində bildirib.
-
Pakistan İslam Respublikasının Kəraçi şəhərində keçirilən "AMAN-25" çoxmillətli dəniz təlimi və "AMAN" Dialoqu çərçivəsində Azərbaycan Hərbi Dəniz Qüvvələri (HDQ) komandanının birinci müavini - qərargah rəisi 1-ci dərəcəli kapitan Teymur Mürşüdov İran İslam Respublikası HDQ komandanı kontr-admiral Şəhram İrani ilə görüşüb.
Rəy yaz