Ermənistan Xarici İşlər Nazirliyinin rəhbəri prezident İlham Əliyevə cavab verir: “Yerevan silah almaqdan imtina etməyəcək”
Ermənistanın xarici işlər naziri Ararat Mirzoyan Yerevanın silah almaqdan imtina etməsilə bağlı prezident İlham Əliyevin tələbini rədd edib.
"Ermənistan silahı özünümüdafiənin təşkili üçün silah alıb və alacaq. Suveren ərazimizin 200 kvadrat kilometrdən çox hissəsi Azərbaycanın nəzarəti altındadır. Hətta bu ərazilərin qaytarılması üçün hərbi yolu nəzərdən keçirmək niyyətində deyilik, demarkasiya prosesini nəzərdən keçiririk. Odur ki, silah alırıq və onu geri göndərmək fikrində deyilik", - o deyib.
"Əgər Azərbaycan səmimi şəkildə ehtiyat edirsə, biz silahlara nəzarət üzrə ikitərəfli mexanizm yaratmağa hazırıq", - o sözlərinə davam edib.
Ermənistanın Türkiyə və Azərbaycan, Avropa və Mərkəzi Asiya arasında divar olması ilə bağlı Azərbaycanın dövlət başçısının fikirlərinə toxunan Mirzoyan deyib ki, Ermənistan maneə olmaq istəmir və bu, onun üçün sərfəli deyil.
"Biz maneə yox, digər dövlətlər, qonşularımız arasında körpü olmaq istəyirik", - o deyib.
Siyasət
-
“Azərbaycan Hava Yolları” (AZAL) Bakı-Kazan-Bakı marşrutu üzrə uçuşları Kazan üzərində hava məkanının dəfələrlə bağlanması və bunun "Kovyor" planının tətbiqi ilə əlaqələndirilməsi səbəbindən qeyri-müəyyən müddətə dayandırıb, şirkət cümə axşamı bildirib.
-
Yanvarın 8-də İlham Əliyev İranın Ali Milli Təhlükəsizlik Şurasının katibi Əli Əkbər Əhmədianı qəbul edib. Əhmədian İranın ali lideri əli Xamenei və prezident Məsud Pezeşkianın salamlarını əliyevə çatdırıb.
-
Yanvarın 8-də Səbail Rayon Məhkəməsində “Kanal 13” televiziyasının rəhbəri Əziz Orucovun cinayət işi üzrə məhkəmə iclası keçirilib. İclas zamanı Orucovun vəkilləri onun barəsində həbs qətimkan tədbirinin ev dustaqlığı ilə əvəz edilməsinə dair vəsatət qaldırıblar. Lakin vəsatət təmin edilməyib.
-
Yanvarın 8-də dövlət basçısı İlham Əliyev Avropa İttifaqının Cənubi Qafqaz üzrə xüsusi nümayəndəsi Maqdalena Qrononu qəbul edib. Bu barədə Azərbaycan prezidentinin mətbuat xidməti bildirib. O, AZAL-ın təyyarə qəzası ilə bağlı dərin hüznlə başsağlığını çatdıraraq, aviaqəzanın bütün səbəblərinin hərtərəfli şəkildə araşdırılacağına ümidvar olduğunu bildirib.
Rəy yaz