İfadə azadlığının qurbanı

Çağdaş Azərbacan jurnalistikasının tanınan isimlərindən Natiq Cavadlı çalışdığı “Bizim Yol” qəzetindən çıxarılıb. N.Cavadlı bu faktı Turana təsdiqləyib.

Onun sözlərinə görə, redaktor Tural Ağatlı da işdən xaric edilib. Qəzetin baş redaktoru Bahəddin Həziyev əməkdaşların işdən xaric olunmalarını və həm də nə üçün xaric edilmələrini özü birbaşa elan etməyib. Bunu onun əvəzindən redaktor Elçin adlı şəxs edib. 

N.Cavadlı bildirib ki, baş redaktor deməsə də işdən çıxarılmalarına səbəb iqtisadçı Qubad İbadoğlundan götürülən müsahibədir.  Onun sözlərinə görə, işdən xaric edilən T.Ağatlı da səbəb kimi məhz bu müsahibəni göstərib. N.Cavadlı bildirib ki, adı çəkilən müsahibənin bu addıma səbəb olmasını həm də materialın qəzetin saytından yığışdırılması da təsdiq edir. Jurnalist adı çəkilən materialda ölkənin gömrük sistemində baş verən neqativlərlə bağlı bir sıra məqamların yer aldığını vurğulayıb.-05B-