![Gömrükçülərə kontrafakt tütün məhsullarının müəyyənləşdirilməsi öyrədilir](https://turan.az/resized/media/2014/main/022100070061-750-500-resize.webp)
Gömrükçülərə kontrafakt tütün məhsullarının müəyyənləşdirilməsi öyrədilir
Bu günlərdə Bakıda “Kontrafakt tütün məhsullarının müəyyənləşdirilməsi və tütün məhsullarının qeyri-qanuni ticarətinə qarşı mübarizə” mövzusunda seminar keçirilir. Son 4 ildə ölkəyə siqaret idxalı pul ifadəsində 50% artıb.
Dövlət Gömrük Komitəsinin mətbuat xidmətində Turan-a bildiriblər ki, seminarda Dövlət Gömrük Komitəsinin Aparatı və ərazi gömrük idarələrində xidmət göstərən 25 gömrük əməkdaşı iştirak edir. Onu “Japan Tobacco International” (JTI) şirkəti təşkil edib.
JTI şirkətinin eksperti xanım Marianne Gericke seminarın aktual məsələləri əhatə edəcəyini və tədbirin bütün tərəflər üçün faydalı olacağını vurğulayıb. Seminarda Almaniya və İsveçrədən olan ekspertlər də iştirak edir.
Dövlət Gömrük Komitəsinin Gömrük Sahəsində Hüquqpozmalara Qarşı Mübarizə Baş İdarəsinin rəisi, gömrük xidməti general-mayoru Güloğlan Muradlı qeyd edib ki, Azərbaycanda tütün məhsulları da daxil olmaqla, qeyri-qanuni ticarət halları ilə sərt mübarizə aparılır. O, konfrafakt və saxta tütün məhsullarına qarşı mübarizədə dövlət qurumları ilə özəl sektor arasındakı əməkdaşlığı yüksək qiymətləndirib.
«JTI şirkəti dünyada tütün məhsullarının qaçaqmalçılığına qarşı mübarizə aparır, şirkət gələcəkdə də belə təlimlərin keçirilməsini dəstəkləmək niyyətindədir, deyə şirkətin Azərbaycandakı nümayəndəliyinin rəhbəri Namiq Quliyev bildirib.
DGK-nın məlumatına görə 2013-cü ildə gömrükçülər 516 520 ədəd tütün məmulatının qanunsuz gətirilməsinin qarşısını alıblar.
Dövlətstatkomda Turan-a deyiblər ki, 2013-cü ildə Azərbaycana $333 045,3 min qiymətində 13 065,4 siqaret gətirilib.
2010-2012-ci illərdə Azərbaycana $ 228 136.9 min, $248 655.6 min və $303 597.2 min qiymətində tütün məmulatı gətirilib.
DSK-ya görə bu ilin yanvarında 2013-cü ilin yanvarı ilə müqayisədə ölkəyə siqaret idxalı 19,5% artıb. Ölkəyə siqaret idxalı ilə 3 şirkət məşğul olur. 08D
-
- İqtisadiyyat
- 20 Fevral 2014 13:07
-
- Cəmiyyət
- 20 Fevral 2014 13:54
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz