İlahiyyatçı Cavid Məmmədov avqustun 2-də azad edilib. Bu haqda Turan-a Salyanda fəaliyyət göstərən “Demokratiyaya Yardım” ictimai birliyinin sədri Emil Məmmədov bildirib.
C.Məmmədov 2012-ci il oktyabrın 17-də Nəsimi polisi tərəfindən saxlanılıb. Həbsə alınıb, həbs olunduqdan az sonra mətbuatda C.Məmmədovun 2012-ci il oktyabrın 5-də keçirilmiş hicab aksiyasının təşkilatçısı kimi saxlanması haqda məlumatlar gedib. Amma bu xəbərlər təsdiqini tapmayıb.
C.Məmmədova qarşı Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsi ilə cinayət işi qaldırılıb.
Nəsimi rayon məhkəməsində keçirilən prosesdə dövlət ittihamçısı ruhani C.Məmmədova 2,5 il azadlıqdan məhrumetmə cəzası istəyib. Hakim isə 1 il azadlıqdan məhrumetmə qərarı verib. Avqustun 2-si axşam saatlarında ruhani Cavid Məmmədov cəza müddətindən 2 ay yarım öncə azad olunub. -05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz