Bu gün Elşən Mustafaoğlunun məhkəmə prosesi başa çatdı, oktyabrın 18-də prokurorun çıxışı gözlənilir. Bunu Turan-a E.Mustafaoğlunun vəkili Əfqan Məmmədov bildirib.
Ə.Məmmədova görə, bu cinayət işində hansısa cinayəti təsdiq edən bir sübut belə yoxdur: “Məhkəmə prosesi müddəti ərzində 7-8 şahid dindirdilər, hamısı nağıl, fərziyyə danışır. Gördüm ki, E.Mustafaoğlu filankəslə görüşdü, filankəslə danışır və s. Onu demək istəyirəm ki, əgər konkret ittiham irəli sürülübsə, özü də dövlətə xəyanət kimi ağır ittiham varsa, bu, sübut edilməlidir. Bu da iki halda mümkündür, ya konkret tapşırığı yerinə yetirməsi, ya da konkret hansısa əməli etməsi sübut olunlmalıdır. Bu iki halın heç biri cinayət işində yoxdur”.
Vəkil deyir ki, hətta keçmiş MTN-dən olan bir şəxs şahid kimi ifadə verməli imiş, bir ay da gözləyiblər, amma həmin şəxs ifadə verməyə gəlməyib. Ə.Məmmədovun fikrincə, bu iş bu halda Avropa Məhkəməsinə çıxarılarsa bu, ölkə üçün biabırçılıq olar.
Vəkil qarşıda prokurorun çıxışında obyektivliyin əksini tapacağına ümidli olduğunu deyir: “Ümidimi itirmək istəmirəm ki, prokuror məsələyə obyektiv yanaşacaq, nəzərə alınacaq ki, E.Mustafaoğlunun 3 azyaşlı övladı var”.
E.Mustafaoğlu 2014-cü il dekabrın 16-da həbs olunub. CM-nin 274-cü (dövlətə xəyanət) maddəsi ilə ittiham olunur. O, ittihamın əsassız olduğunu bildirir. Deyir ki, MTN əməkdaşları onu həbs edib, ondan Qafqaz Müsəlmanları İdarəsinin sədri Allahşükür Paşazadənin, general Rövşən Əkbərovun əleyhinə ifadə almağa cəhd göstəriblər. Tələb olunan ifadəni verməyə razılaşmadığına görə ona qarşı heç bir əsası olmayan ittiham irəli sürüblər.
E.Mustafaoğlu 2001-ci ildə “Mənəvi Saflığa Dəvət” İctimai Birliyini təsis edib. 2005-ci ildən “Yeni Şərq” Elmi Araşdırmalar Mərkəzinin direktoru, ANS-də, İctimai Televiziyada veriliş aparıcısı, Azərbaycan-Amerika Media Akademiyasının direktoru olub.
O, Norveçdə elmi layihə üzrə çalışıb, 2014-cü ilin əvvəlində ölkəyə qayıdıb. Həbsindən bir neçə ay öncə isə Qafqaz Müsəlmanları İdarəsi ilə əməkdaşlığa başlayıb. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz