Novruz Məmmədov öz prezidentinin müsahibəsini diqqətsiz oxuyur?
Yüksək vəzifəli dövlət məmurları müntəzəm olaraq ictimaiyyəti səriştəsizlikləri və ziddiyyətli bəyanatları ilə təəccübləndirir.
Bu gün də beynəlxalq münasibətlərə görə məsul şəxs və Prezident Administrasiyası rəhbərinin müavini Novruz Məmmədov ABŞ-ın ATƏT-dəki səfiri Daniel Bayerin müsahibəsi ilə bağlı şərh verməli olduğunu düşünüb.
Xatırladaq ki, Bayer dünən prezident İlham Əliyevin məhz Bayer və ABŞ-ın ATƏT-in Bakıdakı missiyasının rəhbəri Aleks Şahtaxtinskinin qovulmasında israr etdikləri barədə iddialarını təkzib edir.
“Bu ittihamlar əsassızdır. Çox təəssüf ki, ATƏT-in Bakı ofisinin fəaliyyətinin dayandırılması Azərbaycan hökumətinin tələbi ilə baş verib. Bu, həm hökumət, həm də Azərbaycan xalqı üçün itkidir”, deyə Bayer bildirib.
Bayer Fransa hökumətinə Aleks Şataxtinskinin ATƏT-in Bakı ofisinin rəhbəri vəzifəsindən kənarlaşdırılması üçün təzyiq göstərdiyi barədə iddiaları “gülünc” adlandırıb.
“Bu, doğru deyil. Fransa XİN personal tərkibi haqqında qərarları özü, Daniel Bayerlə məsləhətləşmədən qəbul edir. Həqiqət budur ki, ABŞ və digər nümayəndə heyətləri təkcə hakimiyyətlə deyil, vətəndaş cəmiyyəti ilə də əlaqə saxlayan missiya rəhbərlərini dəstəkləyir”, deyə Bayer bildirib.
Bu təkzibdən sonra Novruz Məmmədov, görünür, vəziyyətə “aydınlıq gətirməyi” qərara alıb və Bayeri yalana boğub. Belə ki, Novruz Məmmədov oktyabrın 4-də öz Tvitter mikrobloqunda yazıb: “Bayerin müsahibəsindən görünür ki, o, ATƏT-də özünü 1-ci katib kimi aparır (sovetlərdə olduğu kimi). Bilməlidir ki, Prezident onun haqqında danışmayıb, danışmaz da. Prezident ABŞ-ın ATƏT-dəki səfiri haqda danışıb".
Deyilənlərdən aydın olur ki, Məmmədov ABŞ-ın ATƏT-dəki səfirinin soyadını bilmir. Daha doğrusu, o düşünür ki, bu, Bayer deyil. Məmmədovun məlumatının nəyə əsaslandığını demək çətindir, amma o, sadəcə İlham Əliyevin bəyanatının stenoqramına bir daha baxsaydı, belə səhvə yol verməzdi.
“Azərtac” dövlət agentliyinin saytında 20 sentyabr tarixli məlumat 3 dildə yerləşdirilib. Bu görüşün stenoqramı Azərbaycan prezidentinin öz saytındadır və bu da sitat:
“Bu şəxs Azərbaycanda cəmi bir il fəaliyyət göstərəndən sonra iş otağında mənimlə fotosu olduğuna görə onu daimi komitənin iclasında günahlandıran ABŞ-ın ATƏT-dəki səfiri Baerin ciddi müdaxiləsi nəticəsində işdən azad olunub. Məndə olan məlumata görə, onlar Fransa hökumətinə təzyiq göstəriblər və ATƏT-in buradakı nümayəndəsi Şahtaxtinskiyə heç bir izahat verilmədən o, işdən azad olunub”.
Yəni Novruz Məmmədov şərh etdiyi hadisə haqqında məlumata baxmağa təmbəllik edib? Ən maraqlısı isə budur ki, İlham Əliyevin Avropa Parlamentinin nümayəndə heyəti ilə görüşündə Novruz Məmmədovun özü də iştirak edib. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz