İlham Əliyev qərb bölgəsində səfərdədir

Oktyabrın 17-dən dövlət başçısı İlham Əliyev Qərb bölgəsində səfərdədir.

Prezidentin rəsmi saytının məlumatına görə, oktyabrın 17-də İlham Əliyev və Mehriban Əliyeva Naftalanda “Qarabağ SPA and Resort” otel kompleksinin açılışında iştirak ediblər.

2012-ci ildən inşasına başlanan 5-mərtəbəli otel kompelksi 264 yerdən, 132 otaqdan ibarətdir.

Açılış mərasimində prezidentə məlumat verilib ki, 13 hektardan çox sahəsi olan kompleksin ən mühüm cəhəti yaxınlıqda çoxsaylı istirahət məkanlarının olmasıdır. Bu da regionda turizmin inkişına öz təsirini göstərəcək.

Bundan əvvəl İlham Əliyev Daşkəsəndə olub. Orada yeni avtovağzal kompleksinin, Gənclərin Təlim və İstirahət Mərkəzinin və Heydər Əliyev Mərkəzinin açılışını edib.

Oktyabrın 18-də Əliyev Gəncə şəhərindəki “İmamzadə” kompleksində aparılan təmir-bərpa və tikinti işlərinin gedişi ilə tanış olub.

Məlumat verilib ki, “İmamzadə” kompleksinin təmiri, bərpası və ətrafının abadlaşdırılması məqsədilə 2010-cu ildən başlanılan işlər hazırda davam etdirilməkdədir. Kompleksdə 90 yerlik müsafirxana, 1000 nəfərlik ehsangah tikilib. Baş ziyarətgahda 40 metr hündürlüyündə 2 minarə, kişi və qadınlar üçün ibadət zallarının inşası davam etdirilir. -0-