ATƏT-in Minsk Qrupunun həmsədrləri regiona səfərin yekunları haqqında məlumatla çıxış ediblər.
Rusiya və Fransalı həmsədrlər İqor Popov və Pyer Andrie ölkə liderləri ilə görüşmək və ATƏT-in monitorinqində iştirak etmək üçün regiona səfər ediblər. Həmsədrləri ATƏT-in hazırki sədrinin şəxsi nümayəndəsi Andjey Kasprşik müşaiyət edib.
Amerikalı həmsədr Ceyms Uorlik şəxsi səbəblərdən səfərdə iştirak edə bilməyib və onun yerinə Amerikalı həmsədrin köməkçisi Devid Salvo iştirak edib, deyə press-relizdə bildirilir.
Həmsədrlər Bakıda prezident İlham Əliyevlə, Yerevanda prezident Serj Sarkisyanla görüşüblər. Müzakirə mövzusu oktyabrın sonunda Parisdə Ermənistan və Azərbaycan prezidentlərinin Fransa prezidenti Frans Ollandın vasitəçiliyi ilə keçiriləcək görüşü olub. Görüşün oktyabrın 27-də Parisdə keçirilməsi planlaşdırılır, deyə məlumatda qeyd edilir. -02D-
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz