Həbsdə saxlanılan ReAl Hərəkatının lideri İlqar Məmmədovun səhhəti kəskin şəkildə pisləşib. Bu barədə Turan-a REAL-ın icraçı katibi Natiq Cəfərli bildirib.
Onun sözlərinə görə, Məmmədov bu gün səhər cəzaçəkmə müəssisəsindən zəng edib və bildirib ki, onun kürəyində və əzələlərində ciddi ağrılar başlayıb.
O, ağrılardan əzab çəkir və nəinki gəzə, heç danışa da bilmir.
Məmmədov xarici həkimlər tərəfindən təcili müayinə olunmağını xahiş edib.
"Biz artıq bu barədə Qırmızı Xaç Komitəsinə və digər təşkilatlara məlumat vermişik", deyə Cəfərli bildirib.
İlqar Məmmədov 2013-cü il fevralın 4-də İsmayıllı rayonunda kütləvi iğtişaşların təşkili ittihamı ilə həbs olunub. O, 7 il müddətinə azadlıqdan məhrum edilib. Avropa İnsan Hüquqları Məhkəməsi İlqar Məmmədovun həbsinin siyasi motivli olduğu qənaətinə gəlib və onun azad edilməsi haqqında qərar qəbul edib. -06С-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz