Avqustun 21-də Naxçıvanda bir qrup şəxs tərəfindən döyülmüş hüquq müdafiəçisi İlqar Nəsibov və onun həyat yoldaşı Məlahət Nəsibova sentyabrın 10-da saat 15:00-da yenidən Naxçıvan Şəhər Polis İdarəsinə dindirməyə çağırılıblar.
M.Nəsibova Turan-a bildirib ki, o, şahid qismində çağırılıb. Bundan əlavə, İ.Nəsibovla ona hücum edənlərdən biri – Fərid Əsgərov arasında üzləşmə olacaq.
Qeyd edək ki, ötən gün hökumətyönlü saytlardan biri material dərc edərək bildirib ki, İ.Nəsibov özü F.Əsgərovu döyüb. Sayt Nəsibovun istintaqa ifadəsinin surətini dərc edib. Bu sənədin Naxçıvan polisindən mətbuata necə gedib çıxmasını sayt açıqlamır. Lakin bu, istintaq sirrinin pozulmasıdır və buna görə cinayət cəzası nəzərdə tutulur.
İ.Nəsibovun səhhətinə gəlincə, onun vəziyyəti ümumilikdə normaldır, lakin bədənində qırıqlar hələ qalır.
İ.qar Nəsibovun ağır xəsarət almasına, çoxlu sınıqların olmasına baxmayaraq, polis sentyabrın 4-də cinayət işinə başlayıb. İ.Nəsibov zərərçəkən kimi tanınıb. Lakin cinayət işi “bilərəkdən yüngül bədən xəsarətinin yetirilməsi” maddəsi ilə açılıb. -16D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz