Bir sutkadan az vaxtda neft $1 ucuzlaşıb

Bakı vaxtı ilə saat 18 üçün Brent nefti Forexdə 97,15 dollara düşüb (ən ucuz qiymət bu gün 1 barrel üçün 96,71 dollar olub). 14 aprel 2013-cü ildə qiymət belə olmuşdu.

Bu, dünənkindən  1 bənd ucuzdur. RBC qeyd edir ki, Londonda Intercontinental Exchange-də 10 sentyabrda Brent nefti üzrə oktyabr üçün kontrakt 1,12 dollar ucuzlaşıb və 98,04 doll/barrel olub. New York Mercantile Exchange-də WTI markalı neft üçün fyuçers müqaviləsinin qiyməti 1,08 dollar düşərək 91,67 doll/barrel təşkil edib. 

Rusiya agentliyinin analitikləri qeyd edir ki, neft ucuzlaşmaqda davam edir. Sentyabrın 10-da Brent 17 ayda ən aşağı qiymətə olub. WTI markası 8 aylıq minimuma enib. Ucuzlaşmaya OPEK-in icmalı səbəb olub. Orda 2014-2015-ci illərdə neftə tələbat proqnozu endirilib. ABŞ-da neft ehtiyatının gözlənildiyindən az azalması barədə məlumat da bazara təsir edib.

OPEK-in icmalında 2014-2015-cü illərdə neftə aylıq tələbat proqnozu  50 min barr./gün və 20 min barr./gün göstərilib. İndi karteldə hesab edirlər ki, bu il tələbat artımı 1,05 mln barr./gün (91,19 mln barr./günədək), 2015-ci ildə 1,19 mln barr./gün (92,38 mln barr./günədək) olacaq. "Proqnoz 2014-cü ilin I yarısında İİƏT-də zəif tələbat fonunda azaldılıb", - deyə OPEK-in icmalında bildirilir. 

İqtisadiyyatın neftdən çox asılı olduğu Azərbaycanda ekspertlər və KİV qiymət düşməsi mövzusu və xoşagəlməz proqnozlardan yan keçirlər. Ümumiyyətlə, xarici neft şirkətlərinin büdcəyə ödəmələri nəzərə alındıqda 2013-cü ildə dövlət büdcəsinin gəlirlərinin formalaşmasında neft sektorunun payı 75%-i ötüb. 2014-cü ildə dövlət büdcəsində neftin bir barrelinin qiyməti 100 dollar səviyyəsində nəzərdə tutulub. Qiymətlərin bu göstəricidən aşağı olması hökuməti bir sıra dövlət proqramlarına yenidən baxmağa məcbur edəcək. Azərbaycandakı biznes strukturlar neftin qiymətinin aşağı düşməsinin probleminin öz üzərində hiss edir. Fiskal orqanlar büdcəyə transfert üçün əlavə vergi yığmaq məqsədi ilə qeyri-populyar tədbirlər görür. -0-