Ötən şənbə günü polis yerli sahibkarların İmişli rayon İcra Hakimiyyətinin binası önündəki etiraz aksiyasını dağıdıb. Toplaşanlar İmişli rayon mərkəzində yol boyunca hasar tikintisinə etirazlarını bildirməyə cəhd göstəriblər. Bu hasarlar əhalinin mağaza və sosial-məişət obyektlərinə yolunu kəsib.
Aksiya dağıdılarkən Regional “Bakunews.tv”nin müxbiri Mehman Məmmədov saxlanılıb. O, aksiyanı videoya çəkərkən saxlanılıb. Lakin sonradan buraxılıb.
Rayon administrasiyası hələlik güzəştə getmək istəmir və bunu onunla izah edir ki, hasarlar abadlıq və hərəkətin təhlükəsizliyinin təminatı üçün tikilir. Bakıdan hava limanına qədər yol boyunca çoxkilometrlik daş hasarlar çəkildikdən sonra hər yerdə hasar tikintisi dəb halını alıb. Bu “ideya” müəlliflərinin fikrincə, hasarlar Azərbaycan həqiqətlərinin xoşagəlməz çirkin tərəflərini gizlətməlidir: binaların, yolların yöndəmsizliyini, çirklənmiş əraziləri.
Hasarların inşası abadlıq işləri adı altında məmurların dövlət vəsaitlərini mənimsəməsi üçün bəhanə olub.
Regionların öz spesifikası var. Hər dəfə rayon İcra hakimiyyətlərinin başçıları dəyişdikdə abadlıq işləri üzrə layihələr və sahibkarların sıxışdırılması yeni vüsət alır.
Neftçala rayonunda da belə oldu. Bu yaxınlarda narazı sakinlər rayon memarının avtomobilini yandırıblar. Belə ki, o, abadlıq işləri adı altında əşya bazarının sökülməsini planlaşdırırdı. İnsidentdən sonra memar işdən çıxarılıb, yerli hakimiyyət isə öz planını ləğv edib.—0—
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz