İnternet TV-nin əməkdaşı polisə çağırılıb
Bakı/25.07.19/Turan: Bu gün "Kanal 13" İnternet televiziyasının əməkdaşı Fərid İmran Binəqədi Rayon Polis İdarəsinin 5-ci bölməsinə çağırılıb və 4 saat orada saxlanılıb.
F.İmran Turan-a bildirib ki, polis bölməsində ona deyiblər ki, çağırılmasının səbəbi onun barəsində hansısa şikayətlə bağlıdır.
"Kanal 13" üçün material hazırlamışdım və hansısa vətəndaş Pəri Quliyeva məndən şikayət edib ki, guya onu ölümlə hədələmişəm. Mən bu xanımı, ümumiyyətlə, tanımıram və bunu polisə izahatda qeyd ermişəm. Bu prosedur az müddət çəksə də, saatlarla bölmədə qalası oldum", - F.İmran bildirib.
Onun sözlərinə görə, polis əməkdaşları ondan tələb ediblər ki, bölməyə getməzdən əvvəl sosial şəbəkədə yazdığı statusu silsin.
"Yazmışam ki, məni bölməyə çağırıblar və ola bilsin ki, üzərimdə qanunsuz əşyalar aşkar etdilər", - o deyib.
F.İmran statusu silməyəcəyini və bir neçə saat bölməsində saxlanılması ilə bağlı məhkəməyə müraciət edəcəyini bildirib.
Binəqədi Rayon Polis İdarəsinin 5-ci bölməsindən şərh almaq mümkün olmayıb.21b--
-
- Cəmiyyət
- 25 İyul 2019 17:03
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz