Hüquq müdafiəçisi İntiqam Əliyev barəsində hökmdən apellyasiya şikayəti verilib, bu barədə Turan-a vəkil Elçin Sadıqov bildirib.
Şikayətdə apellyasiyaya təkrar qismi məhkəmə istintaqı ilə baxılması və bəraət hökmü çıxarılması haqqında məsələ qaldırılıb.
Bundan başqa, müdafiə tərəfi Əliyevin Avropa İnsan Hüquqları Konvensiyasının 5, 6, 7, 10, 11 və 18-ci maddələrində zəmanət verilmiş hüquqlarının pozulmasının tanınması məsələsini qaldırıb.
Sadıqovun sözlərinə görə, şikayət üzrə hazırlıq iclası iyunun əvvəllərində keçirilə bilər.
** İntiqam Əliyev 8 avqust 2014-cü il tarixində qanunsuz sahibkarlıq, vergilərdən yayınma və vəzifə səlahiyyətlərindən sui-istifadə ittihamları ilə həbs edilib. Sonradan o, həmçinin mənimsəmə və saxtakarlıqda ittiham olunub. Aprelin 22-də məhkəmə Əliyevi 7,5 il müddətinə azadlıqdan məhrum edib.
Amnesty International onu “vicdan məhbusu” kimi tanıyıb. -06C-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz