Zərərçəkənlər gəlmirlər, şahidlər dindiriləcək
Çərşəmbə axşamı Bakı Ağır Cinayətlər Məhkəməsində AMAY şirkətinin rəhbəri Abdulla Abdullayev və təqsirləndirilən daha 5 nəfər üzərində növbəti məhkəmə prosesi keçirilib.
Məhkəmə prosesində ittiham tərəfin zərəçəkən kimi tanıdığı şəxslər dindirilməli idi. Məhkəmənin zərərçəkənlərin məhkəməyə məcburi gətirilməsi haqda qərar çıxarmasına baxmayaraq, yenə də məhkəməyə heç kim gəlməmişdi.
Bundan sonra hakim Əfqan Hacıyev mayın 14-dən etibarən proses üzrə şahidlərin dindiriləcəyini bildirib. Həm də hakim məhkəmənin intensiv gedəcəyini elan edib. Bundan irəli gələrək, hakim vəkillərə prosesə vaxtında qatılmaq və şahidləri məhkəməyə cəlb etmək tövsiyəsi verib.
Adı çəkilən cinayət işində “zərərçəkən“lər kimi tanınanlar fevral ayından bu yana davam edən məhkəmə prosesində özlərini bu statusda tanımadıqlarını, təqsirləndirilən A.Abdullayevə və təqsirləndirilən digər şəxslərə tələbləri olmadığını deyiblər. Onlar Atatürk prospekti, 80/78-37-də binanın tikildiyini, mənzillərinin özlərinə aid olduğunu bildirərək, yeganə istəklərinin binada tamamlama işlərinin başa çatması olduğunu xüsusi vurğulayıblar. Bununla da ittihamın A.Abdullayevə qarşı dələduzluq ittihamını alt-üst ediblər.
İstintaq AMAY şirkəti tərkibindəki “Birlikbank”ın Müşahidə Şurasının sədri kimi A.Abdullayevin kreditlər alınmasına sərəncam verməsini iddia edərək səlahiyyət həddini aşmaq ittihamı irəli sürüb. Məhkəmədə A.Abdullayevin bankın Müşahidə Şurasının sədri kimi sərəncam vermək səlahiyyəti olmadığı aşkarlanıb.
Bundan əlavə, dövlət vəsaitlərini külli miqdarda mənimsəmə iddiasına aid götürülən kreditlərin qaytarılmamasına gəlincə, “Texnikabank”dan götürülən 40 milyon dolların da, Sahibkarlığın İnkişafına Dəstək Fondundan götürülən 4 milyon dollara yaxın kreditin də qaytarıldığı məlum olub. Hər iki qurumun nümayəndələri məhkəmə prosesində kreditlərin qaytarıldığını təsdiqləyiblər.
“Çirkli” pulların yuyulması ittihamna gəlincə, cinayət materiallarında bu ittihamı sübut edəcək bir dəlil belə yoxdur.
AMAY şirkətinin rəhbəri A.Abdullayev 2014-cü ilin aprelində həbsə alınıb. Ona qarşı dələduzluq, səlahiyyətindən sui-istifadə, dövlət vəsaitlərini külli miqdarda mənimsəmək, “çirkli” pulların leqallaşdırılması ittihamı irəli sürüblər.
A.Abdullayev bütün ittihamları birmənalı rədd edir, özünü ittihamlar üzrə təqsirli bilmir. -05C-
-
- Cəmiyyət
- 12 May 2015 16:19
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz