Həbsdə olan hüquq müdafiəçisi İntiqam Əliyevin səhhəti kəskin pisləşib. Bu səbəbdən doğmaları ilə görüşü yarımçıq qoymalı olub. Bu barədə hüquq müdafiəçisinin qızı Nərmin Kamilsoy özünün Facebook səhifəsində yazıb.
Onun sözlərinə görə, atası şiddətli baş ağrılarından və yuxusuzluqdan əziyyət çəkir. 15 gündür ki, yatmır, ayaq üstündə durmağa çətinlik çəkir.Qəbul etdiyi dərmanlar nəticə verməməklə yanaşı psixoloji durumuna kəskin mənfi təsir göstərir. Kamera şəraitində hərəkətsiz qaldığına görə ayaqlarında qıcolma baş verir.
Belə ki, İ.Əliyev noyabrın 7-də doğmaları ilə verilən 4 saatlıq görüşün yalnız 2 saatını ayaq üstdə dura bilib. İndiki vəziyyətdə onun həbsxana hospitalına köçürülməsi zəruridir.
Oktyabrın sonlarında İ.Əliyev tibbi müayinədən keçib. Onun boynunda osteoxondroz,belində isə pratuziya (yırtıq) aşkar edilib. Buna baxmayaraq, təcridxana şəraitində ambulator müalicə yazılıb.
* İntiqam Əliyev avqustun 8-də həbs olunub. O, vergidən yayınma, vəzifə səlahiyyətindən sui-istifadə və qanunsuz sahibkarlıqda ittiham olunur. Hüquq müdafiəçisi bütün ittihamları rədd edərək onları siyasi motivli sayır. Amnesty İnternational İntiqam Əliyevi “vicdan məhbusu” kimi tanıyıb.—16D06--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz