İntiqam Əliyevin üç vəkili onun müdafiəsindən kənarlaşdırılıb
Hüquq müdafiəçisi İntiqam Əliyevin dörd vəkilindən üçü – Anar Qasımlı, Əlayif Həsənov və Fariz Namazlı onun müdafiəsindən kənarlaşdırılıb. Bu, vəkillərin onun işi üzrə şahid kimi cəlb olunması ilə bağlıdır.
Ə.Həsənov Turan-ın müxbiri ilə söhbətində bildirib ki, bu işə heç bir aidiyyatı yoxdur və şahid kimi keçməsinin səbəblərini bilmir.
“Mən hələ qərarı almamışam və hansı əsaslarla kənarlaşdırıldığımı bilmirəm. Qərarı aldıqdan sonra məhkəməyə şikayət edəcəm”, - o vurğulayıb.
“Bu oyunda məqsəd bizi İntiqam Əliyevin müdafiəsindən kənarlaşdırmaq, onun müdafiəsini zəiflətməkdir”, - öz növbəsində A.Qasımlı bildirib.
Hazırda İ.Əliyevin bir vəkili qalır – Cavad Cavadov.
* İntiqam Əliyev avqustun 8-də qanunsuz sahibkarlıq, vergidən yayınma, vəzifə səlahiyyətlərindən sui-istifadədə ittiham olunaraq həbs edilib.
Amnesty İnternational onu “vicdan məhbusu” kimi tanıyıb.
İ.Əliyevin həbsinin əsl səbəbi ölkə vətəndaşlarının Avropa İnsan Hüquqları Məhkəməsində müdafiə etməsidir. Onun sayəsində vətəndaşların Strasburqda Azərbaycan hökumətinə qarşı 70-dən çox iddiası təmin edilib.–06B--
-
- İqtisadiyyat
- 1 Oktyabr 2014 15:09
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz