IV Xəzər sammiti günündə Aşqabad Bakıda türkmən qazının Avropaya tədarükü perspektivindən danışıb

Türkmənistan öz fəaliyyətini BMT Baş Assambleyasının 71 üzv ölkənin sponsoru olduğu “Enerji daşıyıcılarının etibarli və stabil nəqli və onun dayanıqlı inkişafın və beynəlxalq əməkdaşlığın təmin edilməsində rolu”  adlı 2013-ci il mayın 17-i tarixli qətnaməsinin müddəasının dəqiq və əhatəli yerinə yetirilməsinə cəmləşdirib.

Bu barədə Türkmənistanın Azərbaycandakı səfirliyinin birinci katibi Batır Recepov 29 sentyabrda brifinqdə bildirib.

“O cümlədən, söhbət enerji sahəsində effektiv beynəlxalq əməkdaşlığın təminatına yönələn yeni beynəlxalq-hüquqi mexanizmin hazırlanmasına dair beynəlxalq ekspert qrupunun yaradılmasından və fəaliyyətindən gedir. Indiki halda Türkmənistan üzv-dövlətlərə, BMT katibliyinə, bütün maraqlı tərəflərə münasib müddətə beynəlxalq ekspert qrupunun fəaliyyəti ilə bağlı tövsiyyələri vermək, həmçinin onun tərkibinə müvafiq nümayəndələri göndərmək üçün müraciət edib”, - deyə Recepov bildirib.

O həmçinin qeyd edib ki, üzv-ölkələrlə, ilk növbədə qətnamənin sponsorları ilə qarşılıqlı fəaliyyətdə Türkmənistan beynəlxalq ekspert qrupunun fəaliyyətinin institusional rəsmiləşdirilməsi və qlobal gündəmin vacib elementi kimi enerji daşıyıcılarının stabil və etibarlı tranziti məsələsinə dair məzmunlu dialoqun aktivləşdirilməsi üçün zəruri nəticənin tətəbiqinə səy göstərəcək.

«Enerji daşıyıcılarının beynəlxaql bazarlara çıxarılması Mərkəzi Asiya üçün çox əhəmiyyətlidir. Marşrutların şaxələnməsi bu prosesin ünsürüdür. Son illər Türkmənistan iki iri boru kəməri layihəsi həyatav keçirib – Çinə və İrana. Bu qaz kəmərlərinə regionun inkişafı üçün mühüm amil kimi baxırıq. Türkmən qazının Qərbə tədarükünü də perspektivli sayırıq və bu sahədə maraqlı tərəflərlə əməkdaşlıq edəcəyik», - deyə Rəcəbov bildirib.

«Daha bir vacib enerji layihəsi Türkmənistan-Əfqanıstan-Pakistan-Hindistan kəməridir. Əminik ki, onun həyata keçməsi regionun inkişafında vacib mərhələ olacaq. Bu layihə başqa faydalarıı ilə yanaşı Əfqanıstanın qlobal inkişaf perspektivinə inteqrasiyası cəhətdən də əhəmiyyəli olacaq. Bunun əfqan xalqının taleyində müsbət əhəmiyyətini də unutmaq olmaz», - deyə o qeyd edib.

«Bu kontekstdə Türkmənistan TƏPH layihıəsinin həyata keçməsi üçün səylərini əsirgəməyəcək», - deyə o əlavə edib.—0--