Bəxtiyar Hacıyevin işi üzrə prosesdə

Bazar ertəsi Bakı Ağır Cinayətlər Məhkəməsində fəal Bəxtiyar Hacıyevin işi üzrə dinləmələr davam edib.

İclasın əvvəlində o, diqqəti bundan əvvəl Hacıyevin ictimai müdafiəsini təşkil edən fəal Rail Abbasovun əsassız cinayət təqibinə yönəldib.

Ötən həftə prokuror Abbasovun dələduzluq yoluyla 200  min manatı mənimsəmə ittihamı ilə 8  il müddətinə azadlıqdan məhrum edilməsini istəyib.

Abbasova qarşı cinayət işinin saxtalaşdırılmasına baxmayaraq, Bəxtiyar Hacıyev məhkəmədən onun həbs edilmiş əmlakının guya Abbasovun mənimsədiyi məbləği ödəmək üçün yönəldilməsini xahiş edib.

Həmçinin Hacıyev Cinayət Məcəlləsinin 192-ci (qanunsuz sahibkarlıq) və 193-1-ci (qanunsuz yolla əldə edilmiş vəsaitlərin leqallaşdırılması) maddələri üzrə ittihamların cinayət tərkibi olmadığı üçün onun üzərindən götürülməsini  məhkəmədən xahiş edib.

O, "məhkəməyə hörmətsizlik" ittihamı ilə bağlı zərərçəkmiş Ülviyyə Muradovanın (Alovlu) təqsirləndirilən şəxs kimi (hadisəyə təşəbbüs göstərdiyinə görə) cəlb olunmasını xahiş edib.

O həmçinin məhkəmədə yalan ifadə verdiyinə görə Alovlunun və məhkəmə mühafizəçisi Orxan Abdullayevin cinayət məsuliyyətinə cəlb olunmasını xahiş edib. Məhkəmə vəsatətləri təmin etməyib.

Növbəti məhkəmə ilcası dekabrın 28-nə təyin edilib.

*2022-ci ilin dekabrında ictimai fəal Bəxtiyar Hacıyev xuliqanlıq və məhkəməyə hörmətsizlik ittihamı ilə həbs edilib.

Ötən il iyunun 16-da fəala qarşı maliyyə pozuntuları ilə bağlı ittiham irəli sürübü - qrantların mənimsənilməsində ittiham olunub. O həmçinin qanunsuz sahibkarlıq, pulların yuyulması, qaçaqmalçılıq və saxta sənədlərdən istifadə etməkdə ittiham olunub.

Həmin ilin noyabrında ona qarşı daha bir ittiham irəli sürülüb - vergilərin ödənilməməsi.

Hacıyev özü və həmkarları prosesi siyasi sifariş hesab edirlər ki, bunun da səbəbi Bəxtiyar Hacıyevin Azərbaycan Daxili İşlər Nazirliyinin, xüsusən də nazir Vilayət Eyvazovun fəaliyyətini kəskin tənqid etməsidir.